اقوام متحدہ ماہرین کا امریکا سے تارکین وطن کی تیسرے ممالک منتقلی روکنے کا مطالبہ

جنیوا(آئی این پی )اقوام متحدہ کے انسانی حقوق کے ماہرین نے امریکا سے مطالبہ کیا ہے کہ وہ تارکین وطن کو تیسرے ممالک منتقل کرنے کا سلسلہ  فوری طور پر روکے، کیونکہ اس عمل سے ان کے بنیادی انسانی حقوق اور تحفظ کو خطرات لاحق ہوسکتے ہیں۔غیرملکی میڈیا کے مطابق اقوام متحدہ ماہرین کا کہنا ہے کہ امریکا کی جانب سے اب تک 23 ہزار سے زائد تارکین وطن کو 29 ممالک اور علاقوں میں منتقل کیا جا چکا ہے۔ماہرین نے خبردار کیا کہ بعض افراد کو ایسے ممالک بھیجا گیا جہاں انہیں انسانی حقوق کی خلاف ورزیوں، بدسلوکی اور دیگر خطرات کا سامنا ہوسکتا ہے۔یو این ماہرین کا کہنا ہے کہ خواتین، بچوں اور معذور افراد کو تیسرے ممالک منتقلی کے دوران خصوصی طور پر زیادہ خطرات لاحق ہیں۔