اسلام آباد میں لانگ مارچ، پنجاب پولیس کو کھانے اور پٹرول کی مد میں 40کروڑ روپے مل گئے

لاہور(کرائم رپورٹر) پی ٹی آئی کا اسلام آباد  میں لانگ مارچ، پنجاب پولیس کو کھانے اور پٹرول کی مد میں 40 کروڑ روپے مل گئے۔ ذرائع کے مطابق مزید 30 کروڑ روپے پٹرول اور کھانے کی مد میں ملنے کا امکان ہے حکومت کی جانب سے پٹرول اور کھانے کی مد میں پہلے 9 کروڑ روپے بعدازاں 31 کروڑ روپے ملے۔ پنجاب پولیس کی نفری جن اضلاع میں بھجوائی گئی ان اضلاع اور دیگر یونٹس کو پیسے تقسیم کر دیئے گئے۔ ذرائع کا مزید کہنا ہے کہ پی ٹی آئی کے نئے دھرنے کی تاریخ 4 اکتوبر کے اعلان کے بعد مزید کھانے اور پٹرول کی مد میں مزید 30 کروڑ روپے دیئے جانے کا امکان ہے۔ لاء اینڈ آڈر کی صورتحال کو کنٹرول کرنے کے لیے پنجاب پولیس کی مختلف اضلاع اور یونٹس سے بھجوائی گئی نفری راولپنڈی، اٹک اور دیگر شہروں میں موجود ہے۔