واشنگٹن ، تہران (این این آئی )امریکی صدر ڈونلڈ ٹرمپ نے کہا ہے کہ ایران کے ساتھ جنگ بہت جلد ختم ہوسکتی ہے اور ممکنہ
طور پر نومبر کے وسط مدتی انتخابات کے فورا بعد یہ تنازع اختتام پذیر ہوجائے گا۔امریکی صدر نے ریاست الاباما میں ایک ریلی سے خطاب کرتے ہوئے کہا کہ جنگ ختم ہوتے ہی تیل کی قیمتیں بھی تیزی سے نیچے آنے کا امکان ہے۔ امریکی صدر ڈونلڈ ٹرمپ نے کہا ہے کہ اہم سوال یہ ہے کہ ایران کے ساتھ مذاکرات کے لیے کس سے رابطہ کیا جائے۔ وہاں اقتدار کیلے رسہ کشی ہے اور کئی گروپس ہیں۔امریکی صدر نے کہا کہ ایران نے مذاکرات میں اپنی پوزیشن بہت سخت رکھی اور اسے مذاکرات کرنا چاہیے تھا۔صدر ٹرمپ نے ایران کو جوہری ہتھیار حاصل کرنے سے روکنے کو اپنی حکومت کی اہم ترجیحات میں شامل قرار دیتے ہوئے کہا کہ یقین رکھیں، ایران کے پاس کسی صورت جوہری ہتھیار نہیں ہوں گے۔انہوں نے دعوی کیا کہ امریکی فضائی حملوں نے ایران کی جوہری صلاحیت کو شدید نقصان پہنچایا ہے اور تہران کو اپنی تنصیبات دوبارہ تعمیر کرنے میں برسوں لگ سکتے ہیں۔ دوسری جانب ایران کے صدر مسعود پزشکیان نے کہا ہے کہ ایرانی تجاویز پر امریکی جواب کا جائزہ لیا جارہا ہے۔غیرملکی خبررساں ادارے کے مطابق ہفتہ کو ایک بیان میں انہوں نے کہا کہ ایران کبھی مذاکرات سے پیچھے نہیں ہٹا۔صدر پزشکیان نے کہا کہ مسائل مذاکرات سے حل کرنا چاہتے ہیں لیکن امریکا کے دباو کے سامنے ہرگز نہیں جھکیں گے ٹرمپ
