میزان بینک نے ”گھر ہو تو اپنا” پروگرام کے تحت 49 ارب روپے کی فنانسنگ منظور کرلی

کراچی(بزنس رپورٹر)میزان بینک نے حکومتِ
پاکستان کے وزیراعظم اپنا گھر پروگرام”گھر ہو تو اپنا” کے تحت 6,880 درخواستوں پر تقریباً 49 ارب روپے کی ہاؤسنگ فنانسنگ منظور کرلی ہے۔ یہ منظوری ملک بھر میں قابلِ استطاعت اور شریعت سے ہم آہنگ ہاؤسنگ فنانسنگ کی نمایاں طلب کی عکاسی کرتی ہے۔بینک30 ستمبر 2026 تک بینک ایک ہزار خاندانوں کو مجموعی طور پر 7.34 ارب روپے کی فنانسنگ فراہم کرچکا ہے۔ اس پروگرام کے تحت میزان بینک کو اپنے نیٹ ورک اور پاکستان ہاؤسنگ اتھارٹی کے پورٹل کے ذریعے 27,800 سے زائد درخواستیں موصول ہوئیں، جن کی مجموعی مالیت تقریباً 179 ارب روپے ہے۔موصول ہونے والی درخواستوں میں سے 13,474 میزان بینک کے اپنے نیٹ ورک کے ذریعے موصول ہوئیں، جن کا مجموعی حجم 100.7 ارب روپے تھا، جبکہ پاکستان ہاؤسنگ اتھارٹی کے نیٹ ورک کے ذریعے 14,397 درخواستیں موصول ہوئیں، جن کی مجموعی مالیت 78.65 ارب روپے تھی۔