اینگرو فرٹیلائزر پنجاب میں گاڑیوں کی دھواں جانچ مہم میں معاون

کراچی (این این آئی) اینگرو فرٹیلائزرز نے
حکومتِ پنجاب کی جانب سے گاڑیوں کی لازمی اخراجی جانچ کے حوالے سے شروع کی گئی عوامی آگاہی مہم میں معاونت کی ہے۔ مہم کا مقصد فضائی آلودگی میں کمی، ہوا کے معیار میں بہتری اور صحت مند ماحول کے فروغ کے لیے شہریوں میں شعور اُجاگر کرنا ہے۔ مہم کے تحت گاڑیوں کے مالکان کو اپنی گاڑیوں کی اخراجی جانچ کرانے اور مقررہ ماحولیاتی معیار پر پورا اترنے کی صورت میں تصدیقی سرٹیفکیٹ حاصل کرنے کی ترغیب دی جا رہی ہے۔ پہلے مرحلے میں مہم کا آغاز لاہور سے کیا گیا ہے، جہاں پٹرول اور ڈیزل انجن والی تمام گاڑیوں کے لیے 15 اکتوبر 2026ء تک اخراجی جانچ اور تصدیقی سرٹیفکیٹ حاصل کرنا لازمی قرار دیا گیا ہے۔ اینگرو فرٹیلائزرز کے مطابق یہ اقدام کمپنی کے ”تھرائیو” فریم ورک سے ہم آہنگ ہے، جو صحت مند اور پائیدار مستقبل کے لیے اس کے عزم کی عکاسی کرتا ہے۔ اس فریم ورک میں توانائی کے ذمہ دارانہ استعمال اور اخراج کی نگرانی کو اہمیت حاصل ہے۔ کمپنی اپنے صنعتی امور میں ماحولیاتی ذمہ داری کے ساتھ قومی سطح پر ماحول دوست اقدامات میں بھی معاونت کرتی ہے۔ کمپنی کا کہنا ہے کہ گاڑیوں کی بروقت اخراجی جانچ اور تصدیق سے صاف ہوا کے فروغ میں مدد مل سکتی ہے۔ پائیدار ماحول کا قیام مشترکہ ذمہ داری ہے اور شہری اپنی گاڑیوں کو مقررہ ماحولیاتی معیار کے مطابق رکھ کر موجودہ اور آنے والی نسلوں کے لیے صحت مند ماحول کی تشکیل میں کردار ادا کرسکتے ہیں۔