راولپنڈی(خصوصی رپورٹر)پنجاب کے مختلف اضلاع میں کلریکل اسٹاف کی طویل تعیناتیوں پر شفاف انکوائری کا مطالبہ ! متعدد افیسران تعلیم کرپٹ اور بری شہرت کے حامل اہل کاروں کے سہولت کار بن چکے ہیں، سکول ایجوکیشن پینشنرز ایسوسی ایشن پنجاب کے سیکرٹری جنرل محمد شفیق بھلوالیہ کی ایم پی اے و چیئرمین اسٹینڈنگ کمیٹی
پنجاب چودھری امجد علی جاوید سے ان کے دفتر میں ملاقات ہوئی اس ملاقات میں اساتذہ و ملازمین کو درپیش مسائل اور تعلیمی دفاتر میں انتظامی امور پرتفصیلی گفتگو کی اور چارٹر آف ڈیمانڈ پیش کیا محمد شفیق بھلوالیہ نے کہا کہ سکول ایجوکیشن ڈیپارٹمنٹ پنجاب کی جانب سے 6 جولائی 2025 کو جاری کردہ نوٹیفکیشن کے مطابق پنجاب کے تمام چیف ایگزیکٹو افیسرز ایجوکیشن کو واضح ہدایات جاری کی گئی تھیں کہ تین سال کا ٹنوئر مکمل کرنے والے آفیسرز اور کلریکل اسٹاف کو 7 یوم کے اندر ٹرانسفر کیا جائے اور اچھی شہرت کے حامل اہلکاروں کو تعلیمی دفاتر میں تعینات کیا جائے تاہم راولپنڈی سمیت پنجاب کے بعض دیگر اضلاع میں متعدد کلرک 5 سے 10 سال کے عرصہ سے تعلیمی دفاتر میں ایک ہی سیٹ پر براجمان ہیں انھوں نے مطالبہ کیا کہ 6 جولائی2025 کے نوٹیفکیشن پر عملدرآمد کے لیے اعلی سطح پر شفاف انکوائری تشکیل دلوائی جائے اور غیر ذمہ داری کے مرتکب افسران کے خلاف قانون کے مطابق کارروائی کی جائے انھوں نے کہا کہ تعلیمی دفاتر میں زیرِ التوا انکوائریز کو بھی مقررہ مدت میں میرٹ پر نمٹایا جائے جبکہ اساتذہ و ملازمین کو رشوت اور کرپشن سے محفوظ رکھنے کے لیے مثر نگرانی اور شکایات کے ازالے کا واضح میکانزم نافذ کیا جائیمحمد شفیق بھلوالیہ نے مزید مطالبہ کیا کہ رشوت کے جرم میں اینٹی کرپشن کی طرف سے موقع پر گرفتار ہونے والے اہلکاروں کو واپس اسی سیٹ پر نہ بٹھایا جائے تاکہ تحقیقات مکمل ہونے تک سرکاری عہدے کا ناجائز استعمال نہ ہو سکے بنابریں اساتذہ اور کلریکل سٹاف کی پروموشن کے لیے دیانتدار اور اچھی شہرت کے حامل افسران کو ڈیپارٹمنٹل پروموشن کمیٹی کا ممبر بنایا جائے جو کسی دبا میں آئے بغیر پروموشن کے عمل میں میرٹ اور شفافیت کو یقینی بنائیں ملاقات میں امجد علی جاوید نے ان مسائل کے حل کی یقین دہانی کراتے ہوا کہا کہ انھیں قائمہ کمیٹی کے اجلاس میں پیش کیا جائے گا اور وزیر اعلی پنجاب مریم نواز کے نوٹس میں لایا جائے گا۔
