قصور:ٹربائن کے پانی کی فروخت کا تنازعہ، 30 سالہ نوجوان قتل

قصور(بیورورپورٹ) اٹھیل پور میں ٹربائن کے پانی کی فروخت کا تنازعہ، 30 سالہ نوجوان بہیمانہ تشدد سے قتل، مقدمہ درج۔ تفصیل کے مطابق اٹھیل پور میں ٹربائن کا پانی فروخت کرنے کے تنازعے پر 30 سالہ نوجوان الطاف کو مبینہ طور پر بہیمانہ تشدد کرکے قتل کر دیا گیا۔ واقعے کا مقدمہ درج کر لیا گیا ہے، جس میں تین باپ بیٹوں سمیت پانچ ملزمان کوبنامزد کیا گیا ہے، جبکہ دو ملزمان نامعلوم ہیں۔ابتدائی اطلاعات کے مطابق واقعے کی وجہ ٹربائن کے پانی کی فروخت کا تنازعہ بتایا جا رہا ہے۔ نوجوان الطاف پر مبینہ طور پر تشدد کیا گیا، جس کے نتیجے میں اس کی موت واقع ہو گئی۔ پولیس نے واقعے کا مقدمہ درج کرکے قانونی کارروائی شروع کر دی ہے۔واقعے میں نامزد ملزمان میں ایک خاندان کے تین باپ بیٹے اور دو نامعلوم افراد شامل ہیں۔ پولیس مصروف کارروائی ہے۔