گوجرانوالہ :4 پولیس مقابلوں کے دوران چارریکارڈ یافتہ ملزمان گرفتار

گوجرانوالہ(ڈویژنل بیورورپورٹ ) گوجرانوالہ کے مختلف علاقوں میں4 مبینہ پولیس مقابلوں کے دوران چارریکارڈ یافتہ ملزمان زخمی حالت میں گرفتار کرلئے گئے،بتایا گیا ہے کہ تھانہ کھیالی کی حدودمیں اقدام قتل، راہزنی و چوری اور منشیات فروشی سمیت 21مقدمات میں ریکارڈ یافتہ ملزم وقار پولیس ناکہ سے فرار ہوتے ہوئے زخمی حالت میں گرفتار کرلیا گیا،پولیس نے ملزم کے قبضہ سے ٹمپرڈ شدہ موٹر سائیکل اور منشیات برآمد کی،تھانہ سول لائن کے علاقہ میں قتل، اقدام قتل، اغوا و دیگر سنگین جرائم کے 10مقدمات میں ریکارڈ یافتہ اور اسلحہ کے زور پر شہری کو دھمکانے کے مقدمہ میں نامزد و مطلوب خطرناک ملزم عبداللہ بٹ دوران پولیس ریڈ گرفتاری سے بچنے کے لئے فرار ہوتے ہوئے زخمی حالت میں گرفتار،قبضہ سے ناجائز اسلحہ برآمد ہوا، تھانہ باغبانپورہ کی حدود میں راہزنی، شراب اور منشیات فروشی کے متعدد مقدمات میں ریکارڈ یافتہ ملزم وسیم عرف توصیف دوران پولیس ریڈ گرفتاری سے بچنے کے لئے فرار ہوتے ہوئے زخمی حالت میں گرفتار،قبضہ سے منشیات برآمد ہوئی، تھانہ فیروزوالہ کے علاقہ میں چوری اور منشیات کے متعدد مقدمات میں ریکارڈ یافتہ ملزم حسن علی پولیس ناکہ سے فرار ہوتے ہوئے زخمی حالت میں گرفتار،ملزم کے قبضہ سے ناجائز اسلحہ اور منشیات برآمد ہوئی،جبکہ ہمراہی ساتھی فرار ہوگیا، سی پی او ڈاکٹر سردار غیاث گل خان نے فوری نوٹس لیکرڈویژنل ایس پیز سے رپورٹ طلب کرنے کیساتھ فرار ملزم کی گرفتاری کے لیے ایس ڈی پی او پیپلز کالونی کی زیر نگرانی خصوصی پولیس ٹیمیں تشکیل دیدی ہے