محکمہ صحت پنجاب کا جعلی ادویات سے متعلق دوبارہ الرٹ جاری

لاہور (این این آئی)محکمہ صحت پنجاب نے جعلی اور مضر صحت ادویات کے خلاف ایک بار پھر الرٹ جاری کرتے ہوئے انجکشن کیراپامن اور لبرکس گولی کے مخصوص بیچز کو مضر صحت قرار دے دیا ہے۔الرٹ کے مطابق متعلقہ حکام کو مارکیٹ میں فوری سروے کرنے اور انجکشن کیراپامن اور لبرکس گولی کے مخصوص بیچز کو فوری طور پر مارکیٹ سے اٹھانے کی ہدایت جاری کی گئی ہے۔محکمہ صحت نے واضح کیا ہے کہ مذکورہ ادویات برآمد ہونے کی صورت میں ڈرگ ایکٹ کے تحت قانونی کارروائی عمل میں لائی جائے گی۔حکام کے مطابق یہ ادویات بلڈ پریشر کم کرنے، دل کی دھڑکن برقرار رکھنے، خون کی روانی بہتر بنانے اور ذہنی تنا میں کمی کے لیے استعمال کی جاتی ہیں، اس لیے ان کے مخصوص بیچز کے استعمال سے گریز کیا جائے۔محکمہ صحت نے ڈرگ انسپکٹرز کو ہدایت کی ہے کہ فوری کارروائی کرتے ہوئے مضر صحت ادویات کی فروخت روکنے کو یقینی بنایا جائے۔