آلودگی پر قابو پانے کیلئے پنجاب میں اینٹی سموگ گن ٹیکنالوجی کا دائرہ کار مزید وسیع

لاہور (این این آئی)پنجاب میں اسموگ کے تدارک کے لیے اینٹی اسموگ گن ٹیکنالوجی کا دائرہ کار مزید وسیع کر دیا گیا۔ لاہور کے بعد گوجرانوالہ میں بھی اینٹی اسموگ گنز کا باقاعدہ آپریشن شروع کر دیا گیا جبکہ شیخوپورہ، فیصل آباد اور ملتان میں بھی یہ آپریشن شروع کیا جائے گا۔ڈی جی ماحولیات عبداللہ نیئر شیخ کی نگرانی میں صوبے بھر میں آلودگی پھیلانے والوں کے خلاف فیلڈ انفورسمنٹ اور کریک ڈائون جاری ہے۔محکمہ ماحولیات پنجاب کے مطابق صوبے بھر میں 270صنعتی یونٹس کی انسپکشن کی گئی، جن میں سے 7یونٹس سیل جبکہ خلاف ورزیوں پر 16لاکھ روپے جرمانہ عائد کیا گیا۔اینٹوں کے 443بھٹوں کی بھی انسپکشن کی گئی، اس دوران 7بھٹے مسمار اور 4 سیل کیے گئے۔ ماحولیاتی قوانین کی خلاف ورزی پر بھٹوں کو 19لاکھ 50ہزار روپے جرمانہ عائد کیا گیا جبکہ ایک بھٹے کے خلاف ایف آئی آر بھی درج کرائی گئی۔غیر معیاری پلاسٹک کے خلاف کارروائیوں کے دوران 227مقامات کی چیکنگ کی گئی، 9مقامات سیل اور 840کلوگرام غیر معیاری پلاسٹک ضبط کیا گیا۔