لاہور فیصل آباد ریلوے ٹریک کی بندش، متعدد ٹرینوں کا شیڈول متاثر

لاہور (این این آئی) لاہور سے فیصل آباد ریلوے ٹریک کی بندش کے باعث کراچی، لاہور، سرگودھا جانے والی ٹرینوں کا شیڈول متاثر ہو گیا۔ ریلوے حکام کے مطابق مسافروں میں کمی کے باعث لاہور سے کراچی جانے والی ایک ٹرین منسوخ کر دیا گیا،لاہور سے کراچی جانے والی ٹرین پاک بزنس ایکسپریس کو منسوخ کردیا گیا۔ریلوے حکام کے مطابق پاک بزنس کے مسافروں کو قراقرم ایکسپریس میں ایڈجسٹ کیا گیا،قراقرم ایکسپریس کراچی کے لئے سہ پہر 3بجے کی بجائے 1 گھنٹہ 30منٹ تاخیر کاشکار رہی ،قراقرم ایکسپریس سہ پہر 4بجکر 30منٹ پر براستہ ساہیوال لاہور سے روانہ ،کراچی ایکسپریس کراچی کے لئے شام 6بجے کی بجائے 1گھنٹہ تاخیر کا شکار رہی ،لاہور،سرگودھا کے درمیان چلنے والی میانوالی ایکسپریس براستہ وزیرآباد، لالہ موسی روانہ ہوگی۔ریلوے ٹریک کی بندش کے باعث دیگر ٹرینوں کے شیڈول اور روٹس پر بھی اثرات مرتب ہونے کا امکان ہے۔