فیشن اینڈ ڈیزائن انسٹیٹیوٹ کے وائس چانسلر کیخلاف تحریک استحقاق پر ذیلی کمیٹی قائم

اسلام آباد(سٹاف رپورٹر)سینیٹ کی قائمہ کمیٹی برائے قواعد و ضوابط اور استحقاق نے پاکستان انسٹیٹیوٹ آف فیشن اینڈ ڈیزائن کے وائس چانسلر کے خلاف سینیٹر بشری انجم بٹ کی تحریک استحقاق پر غور کرتے ہوئے معاملے کی مزید جانچ کے لیے سینیٹر پلوشہ خان کی سربراہی میں ذیلی کمیٹی تشکیل دے دی۔وقار مہدی کی زیرِ صدارت ہونے والے اجلاس میں سینیٹر بشری انجم بٹ کی جانب سے اٹھائے گئے معاملے پر غور کیا گیا۔ سینیٹر بشری انجم بٹ نے مقف اختیار کیا کہ پاکستان انسٹیٹیوٹ آف فیشن اینڈ ڈیزائن کے ممبران نے ان کے خلاف الزامات پر مبنی خط لکھا ہے۔قائمہ کمیٹی نے معاملے کا جائزہ لینے اور اس کی مزید چھان بین کے لیے ذیلی کمیٹی قائم کر دی، جس کی سربراہی سینیٹر پلوشہ خان کریں گی۔ سینیٹر جان محمد اور سینیٹر دوست علی جیسر کو بھی ذیلی کمیٹی میں شامل کیا گیا ہے۔ذیلی کمیٹی اس معاملے کا جائزہ لے گی، جبکہ تحریک استحقاق کے حوالے سے مزید کارروائی اور حقائق کی جانچ پڑتال اسی فورم کے ذریعے آگے بڑھائی جائے گی۔