ایل پی جی کی قیمت میںحالیہ اضافے سے گھریلو صارفین متاثر ہو رہے ہیں عمران فاروقی،عرفان کھوکھر

کراچی(بزنس رپورٹر)شہر میں مائع پیٹرولیم گیس (ایل پی جی) کی قیمت میں روز بروز اضافہ ہورہا ہے۔ دوروز کے دوران 150 روپے فی کلو اضافہ ہوگیا، جس کے بعد فی کلو قیمت 550 روپے سے بڑھ کر 600 روپے تک پہنچ گئی۔کراچی ایل پی جی ڈسٹری بیوٹرز الائنس کے سربراہ عمران فاروقی کے مطابق کراچی میں ایل پی جی کی قیمت میں حالیہ اضافے سے گھریلو صارفین متاثر ہو رہے ہیں، جبکہ آئل اینڈ گیس ریگولیٹری اتھارٹی (اوگرا) نے اکتوبر 2026ئ کے لیے ایل پی جی کی سرکاری قیمت 279.34 روپے فی کلو مقرر کر رکھی ہے۔دوسری جانب ایل پی جی ڈسٹری بیوٹرز ایسوسی ایشن کے چیئرمین عرفان کھوکھر نے ایل پی جی کی قیمتوں میں اضافے پر اوگرا کو تنقید کا نشانہ بناتے ہوئے الزام عائد کیا کہ اتھارٹی قیمتوں پر مو ¿ثر نگرانی نہیں کر رہی۔علاوہ ازیں سردیوں میں گیس کی بڑھتی ہوئی طلب پوری کرنے کے لیے ایل این جی کے 18 کارگوز خریدنے کا ہدف مقرر کیا گیا ہے، جبکہ قطر سے نسبتاً سستی ایل این جی کی درآمد کو ترجیح دینے کا فیصلہ کیا گیا ہے۔