امریکی اور اسرائیلی انتخابات کے بعد ٹرمپ ایران کیخلاف بڑے حملوں کا حکم دے سکتے ہیں: امریکی جریدہ

لاہور(مانیٹرنگ ڈیسک)امریکی جریدے بلومبرگ کے مطابق امریکا اور اسرائیل کے انتخابات کے بعد ٹرمپ ایران کے خلاف بڑےحملوں کا حکم دے سکتے ہیں اور وہ اس کی تیاری بھی کر رہے ہیں۔خیال رہیکہ 27 اکتوبر کو اسرائیل کے اندر انتخابات ہونے جارہے ہیں جہاں اسرائیلی ووٹر اپنا آئندہ وزیراعظم منتخب کریں گے جب کہ 3 نومبر کو امریکا میں مڈٹرم الیکشن ہوں گے جس میں ایوان نمائندگان کی تمام 435 اور سینیٹ کی 35 نشستوں پر انتخابی مقابلے ہوں گے، اس کے علاوہ 36 امریکی ریاستوں میں گورنرز کے انتخابات بھی ہوں گے۔ٹرمپ کے اپنے بیانات سے ظاہر ہوتا ہیکہ 3 نومبر کے مڈٹرم الیکشن سے پہلے ایران پر دوبارہ حملوں کا امکان کم ہے۔ الیکشن میں ٹرمپ کی ریپبلکن پارٹی کو کانگریس کے ایک ایوان بلکہ ممکنہ طور پر دونوں ایوانوں میں اپنی اکثریت کھونیکا خطرہ درپیش ہے۔ اس کی ایک بڑی وجہ جنگ کے باعث امریکا میں ایندھن کی بڑھتی ہوئی قیمتیں ہیں، جنہوں نے عوام میں اخراجات زندگی کے حوالے سے تشویش پیدا کر دی ہے۔بلومبرگ کے مطابق ٹرمپ نے کہا تھا کہ مشرق وسطی کی جنگ چند ہفتوں میں ختم ہو جائے گی، لیکن اب اس جنگ کے مزید شدت اختیار کرنیکے آثار دکھائی دے رہے ہیں۔ ٹرمپ پہلے ہی تیسرا طیارہ بردار بحری بیڑہ اور مزید 10 ہزار میرینز خلیج کی جانب روانہ کر چکے ہیں۔ دوسری جانب مشرق وسطی میں واقع ان امریکی فوجی اڈوں پر تعینات عملیکی تعداد مبینہ طور پر کم کر دی گئی ہے جنہیں ایرانی جوابی حملوں میں شدید نقصان پہنچا ہے۔بروکنگز انسٹی ٹیوٹ سے وابستہ مشرق وسطی کے ایک ماہرکے مطابق تمام اشارے اس جانب ہیں کہ جنگ دوبارہ شروع ہوگی اور بڑے پیمانے پر فضائی بمباری کی جائیگی۔انٹرنیشنل کرائسس گروپ کے مشرق وسطی کے ماہر علی واعظ کے مطابق ٹرمپ اور نیتن یاہو دونوں ایران کے ساتھ جنگ کو اپنی سیاسی مشکلات سے نکلنیکا راستہ سمجھ سکتے ہیں، لیکن جس جنگ کا مقصد ان کے سیاسی مستقبل کو بچانا ہوسکتا ہے، وہی جنگ بالآخر ان کے سیاسی مستقبل کو تباہ بھی کرسکتی ہے۔