سی سی ڈی کی ملتان میں مبینہ پولیس مقابلے کی صاف شفاف تحقیقات کیلئے لاہور ہائیکورٹ میں درخواست دائر

لاہور (کورٹ رپورٹر) سی سی ڈی کی ملتان میں مبینہ پولیس مقابلے کی صاف شفاف تحقیقات کروانے کے لیے لاہور ہائیکورٹ میں متفرق درخواست دائر کر دی گئی۔ متفرق درخواست جوڈیشل ایکٹوزم پینل کی جانب سے دائر کی گی درخواست میں موقف ہے کہ سی سی ڈی کا قیام غیر قانونی اور اس کی قانونی حیثیت پر سوالات اٹھا رہے ہیں۔ حالیہ ملتان میں ملزم توقیر کو مبینہ پولیس مقابلے میں ہلاک کیا گیا آئین ہر شہری کو منصفانہ ٹرائل کا حق دیتا ہے۔ ملتان واقعے میں سی سی ڈی پولیس مقابلے میں شامل اہلکاروں کو معطل کیا جائے۔ درخواست میں استدعا ہے کہ عدالت سی سی ڈی کے مبینہ پولیس مقابلے کی شفاف تحقیقات کرے۔