ستوکتلہ:گھریلو تنازع پر داماد نے فائرنگ کرکے ساس’سالے کو قتل کر دیا

لاہور (کرائم رپورٹر) ستوکتلہ میں گھریلو تنازع پر داماد نے فائرنگ کرکے ساس اور سالے کو قتل جبکہ بیوی اور سالی کو شدید زخمی کر دیا اور موقع سے فرار ہو گیا’ پولیس نے لاشیں۔ پوسٹ مارٹم اور زخمیوں کو طبی امداد کے لیے ہسپتال منتقل کر کے قانونی کارروائی کا آغاز کر دیا۔ تفصیلات کے مطابق ستوکتلہ کے علاقے میں مرزا علی یار نامی شخص نے گھریلو تنازع پر اپنے سسرالیوں پر فائرنگ کی، جس کے نتیجے میں63 سالہ سمیع موقع پر دم توڑ گیا’85 سالہ کلثوم، عنیزہ اور ملزم کی بیوی خالدہ شدید زخمی ہو گئی جبکہ ملزم موقع سے فرار ہو گیا۔ اطلاع ملنے پر پولیس نے زخمیوں کو فوری طبی امداد کے لیے ہسپتال منتقل کیا جہاں 85 سالہ کلثوم دوران علاج دم توڑ گئی۔ پولیس کاکہنا ہے کہ ملزم سالی رمیزہ اور بیوی خالدہ تاحال آئی سی یو میں داخل ہیں جن کا علاج معالجہ جاری ہے ابتدائی تحقیقات کے مطابق ملزم مرزا علی یار اور اس کی بیوی کے درمیان عرصے سے تنازع چل رہا تھا جبکہ بیوی کی جانب سے ملزم کے خلاف پہلے بھی مقدمہ درج کروایا گیا تھا۔ گزشتہ روز ملزم دیوار پھلانگ کر زبردستی گھر میں داخل ہوا اور سسرالیوں پر فائرنگ کر دی۔ پولیس حکام کا مزید کہنا ہے کہ ملزم کی گرفتاری کے لیے ٹیم تشکیل دے دی ہے اسے جلد گرفتار کر لیا جائے گا۔