شعراء کی صلاحیتوں کا احاطہ کرنے کیلئے الفاظ نہیں: رفیق رجوانہ

ملتان ( رپورٹنگ ٹیم) مشاعرے میں سابق گورنر پنجاب ملک محمد رفیق رجوانہ نے اپنے خیالات کا اظہار کرتے یوئے کہا کہ ان کے پاس الفاظ نہیں ہیں کہ وہ شعراء کی اس کہکشاں کی صلاحیتوں کا احاطہ کرسکوں انہوں نے یہی لوگ میری دھرتی کے فیض احمدفیض اور حبیب جالب ہیں ان کا کلام علاقے کے عوام کی حقیقی ترجمانی کرتا ہے اور وہ اسمبلی بیٹھے نمائندوں سے زیادہ اورمؤثر ترجمانی کرتے ہیں ۔انہوں نے ازراہ مذاق کہا کہ اگر سرائیکی شعراء کے کلام کا مجموعہ شائع ہوجائے تو آپ سب لوگ جیل میں ہونگے ۔انہوں نے کہا کہ ہم لوگ بطور سینیٹر رکن قومی و صوبائی اسمبلی حلف اٹھاتے ہیں مگر اس کی پاسداری نہیں کرتے۔ انہوں نے کامیاب مشاعرہ منعقد کرانے پر جناب امتنان شاہد اور خبریں کی پوری ٹیم کو مبارکباد دی۔ دیگر مہمانان خصوصی میں معروف سیاسی و سماجی رہنما سید غلام یزدانی گیلانی،سابق صوبائی وزیر جیل خانہ جات چوہدری عبد الوحید ارائیں،وزیر اعلیٰ پنجاب کے سابق مشیر محمد جاوید انصاری ،رکن صوبائی اسمبلی ملک عدنان ڈوگر، محمد ندیم قریشی، محمود جاوید بھٹی ایڈوائزر ٹو محتسب اعلیٰ پنجاب ،ڈاکٹر محمد شفیق عابد مجید اللہ نواز وینس مظہر عباس کات سرائیکستان ڈیموکریٹک پارٹی کے چیئرمین رانا فراز نون بھی شامل ہیں۔ انہوں نے کہا کہ روزنامہ خبریں نے شاندار مشاعرہ منعقد کر کے سرائیکی ادب کی شمع روشن کی ہے اور شعراء کرام نے آپنے کلام کے ذریعے علاقے کی محرومیوں اور ناانصافیوں کو اجاگر کیا ہے۔
رفیق رجوانہ