بانی پی ٹی آئی کی ہسپتال منتقلیسے متعلق کیس جلد سماعت درخواست سپریم کورٹ میں دائر

اسلام آباد(این این آئی)بانی پی ٹی آئی عمران خان کی ہسپتال منتقلی سے متعلق کیس جلد سماعت کے لیے مقرر کرنے کی درخواست سپریم کورٹ میں دائر کر دی گئی ۔ درخواست میں استدعا کی گئی ہے کہ کیس کو آئندہ ہفتے سماعت کے لیے مقرر کیا جائے۔میڈیا سے گفتگو کرتے ہوئے چیئرمین تحریک انصاف بیرسٹر گوہر نے کہا کہ عمران خان کی صحت کے حوالے سے جو خبریں آرہی ہیں وہ حوصلہ افزا ء نہیں، ہمیں سخت تشویش ہے،سپریم کورٹ کے 18اگست کے حکم پر عملدرآمد کیلئے درخواست دائر کی ہوئی ہے،عدالت عظمیٰ سے استدعا کی ہے ہماری درخواست جلد سماعت کیلئے لگائی جائے تاکہ یہ معاملہ حل ہو۔چیئرمین پی ٹی آئی بیرسٹرگوہر نے کہا کہ بانی پی ٹی آئی سے ایک ملاقات تو ہوگئی ،سلمان صفدر مل کے آئے، عمران خان کی صحت کے حوالے سے ہمیں ہدایات ضرور ملی ہیں، بانی کی صحت سے متعلق کوئی کمپرومائز نہیں ہونا چاہیے۔ سپریم کورٹ کے18اگست کے فیصلے پرعملدرآمد چاہتے ہیں۔بیرسٹر گوہر نے کہا کہ پی ٹی آئی کا لانگ مارچ ختم ہو گیا،صوبائی حکومت تک چلی گئی ہے، اب رہنمائوں اور کارکنوں کی پکڑ دھکڑ کا سلسلہ ختم ہونا چاہیے،بانی پی ٹی آئی کی بہنوں کو فوری رہا کیا جائے۔سینیٹر مشعال یوسفزئی نے کہا کہ بانی پی ٹی آئی عمران خان کو صحت کے مسائل کا سامنا ہے اور قید تنہائی کے باعث ان کا بلڈ پریشر 192تک پہنچ جاتا ہے۔انہوں نے کہا کہ بانی پی ٹی آئی عمران خان کی ہسپتال منتقلی سے متعلق کیس کی جلد سماعت کے لیے سپریم کورٹ میں درخواست دائر کی گئی ہے۔انہوں نے کہا کہ عمران خان کی بہنیں اس وقت جیل میں ہیں جبکہ بانی پی ٹی آئی کو صحت کے مسائل کا سامنا ہے۔مشعال یوسفزئی کے مطابق عمران خان کی ہسپتال منتقلی سے متعلق کیس 4ہفتے گزرنے کے باوجود تاحال سماعت کے لیے مقرر نہیں ہو سکا۔انہوں نے کہا کہ ہمیں اڈیالہ جیل سے عمران خان کی صحت سے متعلق معلومات ملی ہیں جن کے مطابق قید تنہائی کے باعث ان کا بلڈ پریشر 192تک پہنچ جاتا ہے۔سینیٹر مشعال یوسفزئی نے کہا کہ سپریم کورٹ سے استدعا کی گئی ہے کہ بانی پی ٹی آئی عمران خان کی ہسپتال منتقلی سے متعلق کیس آئندہ ہفتے سماعت کے لیے مقرر کیا جائے۔
درخواست دائر