دعوت و تبلیغ کا کام عام کام نہیں یہ انبیائے کرام کی میراث ہے علمائے کرام

رائے ونڈ( این این آئی)عالمی اجتماع کی مختلف نشستوں سے خطاب کرتے ہوئے مولانا عبیداللہ خورشید،بھائی فاروق،زبیرالحسن،مولانا احمد لاٹ اوردیگر علمائے کرام نے کہا کہ اسلام امن و آشتی والا دین ہے ،اسلام ایک مکمل ضاطہ حیات ہے ،آقائے کائنات ۖ کو پوری کائنات کیلئے مبعوث کیا گیا ہے،دین اسلام عین فطرت کے مطابق ہے ،جدید سائنس آج اسلام کے مطابق تحقیقات کرکے اس کو سچ ثابت کررہی ہے جبکہ ہمیں ساڑھے چودہ سو سال پہلے ہی پیارے نبیۖ نے تمام بشارتیں سنا دی تھیں،دعوت وتبلیغ کا کام عام کام نہیں ہے ،یہ کام انبیا ئے اکرام کی میراث ہے جنہوں نے اللہ تعالی کی واحدانیت کو عام کیا ،اس کام پر انہیں مختلف اذیتوں اور مشکلات کا سامنا کرنا پڑا،اس عظیم کام کی اہمیت کو سمجھتے ہوئے تمام کلمہ گو مسلمانوں کو اپنے اہل و عیا ل،محلے،شہر کے مکینوں کو دعوت دینا ہوگی، اللہ نے دعوت و تبلیغ کا پیغام نبی اکرم ۖ کے ذریعے پوری امت تک پہنچایا،یہ پیغام تمام زمانوں کیلئے تھا،اس پیغام کو آنے والی نسلوں تک پہنچانا اب امت محمدی ۖ کی اولین ذمہ داری ہے،اس پیغام کو مان کراللہ کو راضی کرکے جنت حاصل کرلیں یا نہ مان کر اللہ کی ناراضگی کے نتیجہ میں ہمیشہ ہمیشہ کیلئے جہنم خرید لیں، یہ صرف ہم پر منحصر ہے،اور یہ اجتماع اس پیغام کو سمجھنے اور سمجھانے کی تربیت گاہ ہے،یہاں کسی کا کوئی فرقہ نہیں،کوئی تنقید نہیں کی جاتی،صرف اللہ اور اس کے رسول ۖ کی بات کی جاتی ہے، کہ یہ دنیا موت کی تیاری کی جگہ ہے،انسان جو کچھ بھی کرے صرف یہ سوچ ذہن میں رکھ لے کہ وہ آخرت کی تیاری کررہا ہے تو انسان کے سارے مسائل اللہ خود بخود ہی ختم کردے گا، حضو راقدسۖ نے قسم کھا کر فرمایا کہ تم امت مسلماں امر بالمعروف اورنہی عن المنکر کرتے رہو،قبر میں جب منکر نکیر سوال کریں گے تو کیا جواب دے گا، تبلیغی اجتماع میں منکر نکیر کے سوالوں کا جواب دینے کی تعلیم پر ہی سارا دارومدار ہے، یہ دنیا فانی ہے اور یہ چند دنوں کی ہے آخرت کی زندگی ہمیشہ ہمیشہ کے لیے ہے، ظالموں کو ظلم سے روکتے رہو اور حق بات کی طرف کھینچ کرلاتے رہو، تمہارے قلوب بھی اسی طرح غلط کردیئے جائیں گے جس طرح ان ظالموں کے کردیئے گئے ہیں۔ علمائے کرام نے اپنے خطابات میں کہا کہ تم بہترین امت ہو، لوگوں کے نفع رسانی کے لیے نکالے گئے ہو،تم لوگ نیک کام کا حکم کرتے رہو اور برے کاموں سے روکتے رہواوراللہ تعالی پر ایمان رکھتے رہو،،مسلمان بھائیوزندگی فانی ہے، اس پر ایک سیکنڈکا بھی بھروسہ نہیں ہے، دین سیکھنے میں پہل کرنے والوں کے لیے اللہ تعالی نے جنت کی بشارت دی ہے،شہر، قصبوں، گائوں گائوں اور گلی،محلوں میں پھیل جا اور چھوٹوں سے لے کر بڑوں تک دین سیکھنے اور سکھانے کی دعوت دے کر ان کو دین پھیلانے سکھانے کے عمل میں شامل کرکے اللہ تعالی کے دربار میں بلند ی کے مراتب حاصل کرنے والے بن جائو،سالانہ اجتماع میں واپس لوٹنے پر ان کو اپنی اور اپنے مسلمان بھائیوں کی طرف سے مبارک باد پیش کرتے ہیں ،ا للہ تعالی کے حکم کو گلی محلوں دور دراز کے علاقوں میں مشکلات سے گزر کر کاروبار مال اہل وعیال کو چھوڑ کر دینی فریضہ انجام دینے والے اللہ تعالی کے دربار میں قابل احترام لوگ ہیں،ان کے بلند درجات ہیں ،مسلمانوں آ ئوسب ملکر عہد کریں کہ اس نیک مشن کو پورا کرنے کے لیے خود کو دعوت وتبلیغ کیلئے پیش کریں تاکہ کل رب العزت کے دربار میں یہ کہہ سکیں کہ میں نے ساری زندگی گناہ اور غفلت میں گزاردی لیکن تیری راہ پر تیرے مقرب حضرات کی تقلید کرتے ہوئے میں نے بھی دین سیکھنے اور سکھانے کی کوشش کی تھی دنیا سے منہ موڑ کر خالص تیری رضا کے لیے وقت صرف کیا تھا۔ رائے ونڈ میں جاری عالمی اجتماع آج(اتوار)اختتامی دعا کے ساتھ اختتام پذیر ہو جائے گا ،اختتامی دعا سے قبل مولاناضیا الحق کارکنان کو خصوصی ہدایات دیں گے جبکہ اجتماعی دعا مولانا زبیر الحسن آف انڈیا کروائیں گے، دعا کے بعد شرکا ء اپنے علاقوں کو روانہ ہوجائیں گے،شرکائے اجتماع کی سہولت کیلئے ریلوے سٹیشن پر محکمہ ریلوے کی جانب سے خصوصی اقدامات کئے گئے ہیں تمام نان سٹاپ ٹرینوں کے سٹاپ مقرر کئے گئے ہیں جبکہ رش کی صورت میں بکنگ کائونٹر کا الگ سے انتظام کیا گیا ہے ،شرکا ء ئے اجتما ع کی سہولت کیلئے مقامی کارکنان کی جانب سے خدمت کیمپ بھی لگا دیا گیا ہے جہاں زائرین کو تمام ٹرینوں کی معلومات اور کھانا فراہم کیا جائے گا۔اجتما ع میں شریک ہونے والے کارکنان اندرون اوربیرون ملک دعوت وتبلیغ کیلئے روانہ ہو جائیں گے۔
رائے ونڈ اجتماع