اڈیالہ جیل میں میڈیکل ٹیم نے عمران خان اور بشریٰ بی بی کا طبی معائنہ کیا

راولپنڈی(ویب ڈیسک)اڈیالہ جیل میں میڈیکل ٹیم نے بانی پی ٹی آئی عمران خان اور ان کی اہلیہ بشری بی بی کا طبی معائنہ کیا۔اڈیالہ جیل ذرائع کے مطابق ڈاکٹرعارف خان کی سربراہی میں میڈیکل ٹیم شام کو اڈیالہ جیل پہنچی تھی۔ذرائع کے مطابق ڈاکٹرعارف خان نے بشری بی بی اور بانی پی ٹی آئی کا جیل میں طبی معائنہ کیا۔میڈیکل ٹیم کو جیل اسپتال کے طبی عملیکی معاونت بھی حاصل تھی۔ذرائع کا کہنا ہیکہ میڈیکل ٹیم نے بانی پی ٹی آئی کے بلڈ پریشر اورکولیسٹرول کا مشاہدہ کیا، ڈاکٹرعارف خان نے بانی پی ٹی آئی سے ان کی طبیعت سے متعلق دریافت کیا۔اڈیالہ جیل ذرائع کے مطابق میڈیکل ٹیم نے بانی پی ٹی آئی کو تجویز کردہ ادویات کا بھی جائزہ لیا۔ذرائع کے مطابق ڈاکٹروں نے بشری بی بی کا بھی مکمل طبی معائنہ کیا۔ طبی معائنیکے بعد میڈیکل ٹیم جیل سے واپس روانہ ہوگئی۔