خیبر پختونخواہ کے8بالائی اضلاع موسم سرما کے دوران حساس قرار

پشاور (آئی این پی) خیبر پختونخواہ کے 8 بالائی اضلاع موسم سرما کے دوران حساس قرار دیئے گئے، جن میں اپر چترال، لوئر چترال، اپر دیر، لوئر دیر، بونیر، سوات، اپر کوہستان اور لوئر کوہستان شامل ہیں۔ ڈی جی پی ڈی ایم اے کے مطابق رواں موسم سرما میں بالائی اضلاع میں معمول سے زیادہ بارش اور برف باری کا امکان ہے، شدید برف باری کے باعث بالائی اضلاع کی سڑکیں بند ہونے کا خدشہ بھی ظاہے کیا گیا ہے۔ موسم سرما میں ممکنہ ہنگامی صورتحال سے نمٹنے کے لئے پی ڈی ایم اے متحرک ہے، جبکہ پی ڈی ایم اے نے موسم سرما کے لئے جامع حفاظتی منصوبہ بھی تیار کرلیا ہے۔ ڈی جی پی ڈی ایم اے کا کہنا ہے کہ باری سے متاثرہ علاقوں میں امدادی سرگرمیوںکے لئے پیشگی انتظامات مکمل کرلئے گئے ہیں، تاہم موسم سرما کے دوران عوام کے تحفظ اور بروقت امداد کی فراہمی یقینی بنائی جائے گی، جبکہ تمام متعلقہ اداروں کو موسم سرما کے پیش نظر تیار رہنے کی ہدایت بھی کی گئی ہے۔