لاہور(شوبزڈےسک)اداکارہ ہماعلی نے بتایا کہ مقابلے کی فضا ضرور ہونی چاہیے اس سے کام میں بہتری آتی ہے میں نے اس تھیٹر میں عوام کے دل جیتے ہیں اُمید ہے کہ نیا ڈرامہ بھی شائقین کو بہت پسند آئے گا اداکارہ ہما علی آج سے شالیمار تھیٹر کے نئے ڈرامہ ”مولا خوش رکھے“میں انٹری۔ اس ڈرامہ کے لیے خصوصی تیاری کی ہے۔ہما علینے کئی کامیاب ڈرامے پیش کیے ہیں جبکہ اس ڈرامہ سے بھی انہیں بہت ساری اُمیدیں وابستہ ہیں۔ڈرامہ” مولا خوش رکھے “کے دیگر فنکاروں میں آفرین پری،انیشا خان ،حامد رنگیلا،اسد مکھڑا، گڈوکمال، عظیم وکی،طوطی مراد، وقاص قیدو اور دیگر شامل ہیں۔۔اداکار مختار چن نے کہا کہ میں اس نئے ڈرامہ میں ایک نئے انداز میں عوام کے سامنے آرہا ہوں میں اپنا کردارابھی نہیں بتاو¿ں گاکیونکہ میں چاہتا ہوں کہ آج لوگ جب تھیٹر آئیں تو انہیں مجھ سے جو اُمیدیں ہیں وہ پوری ہوں۔مصنف وہدایتکار ڈاکٹر اجمل ملک نے کہا کہ ہمیشہ کی طرح پروڈیوسر ملک طارق نے ہمیں فری ہینڈ دیا ہے اور کہا ہے کہ مجھے معیار چاہیے اس لیے میں نے نئے ڈرامہ کو بہت محنت سے تیار کیا ہے مکمل ریہرسل کے بعد یہ ڈرامہ آج عوامی عدالت میں پیش ہوگا اور اُمیدکرتا ہوں کہ میں سرخرو ہوں گا۔ڈرامہ میں مزاح کے ساتھ ساتھ اصلاحی پہلو بھی عوام کو پسندآئے گا۔ ڈرامہ کے لئے انتہائی خوبصورت اور مہنگا ترین سیٹ لگایا گیا ہے ۔
