ایم کیو ایم لندن کے رہنما حسن ظفر کو رینجرز نے گرفتار کر لیا

کراچی(مانیٹرنگ ڈیسک) رینجرز نے پریس کلب کے باہر سے ایم کیو ایم لندن کی عبوری رابطہ کمیٹی کے رکن حسن ظفر عارف اور کنور خالد یونس کو حراست میں لے لیا ہے۔متحدہ قومی موومنٹ لندن کی عبوری رابطہ کمیٹی کے رہنما پروفیسر حسن ظفر عارف اور کنور خالد یونس کو پریس کلب کے باہر سے اس وقت حراست میں لیا گیا جب وہ اور دیگر پارٹی رہنما پریس کانفرنس کرنے والے تھے۔ رینجرز نے دونوں رہنماو¿ں کو رینجرز کے تفتیشی مرکز میٹھا رام ہاسٹل منتقل کردیا ہے۔دونوں رہنماو¿ں کی گرفتاری کے بعد ایم کیو ایم لندن نے پریس کانفرنس ملتوی کردی۔ اس سلسلے میں پارٹی کے رہنما ایڈووکیٹ ثروت اسرار نے کہا کہ رابطہ کمیٹی اراکین کنورخالدیونس ،حسن ظفرعارف کوحراست میں لیاگیا ہے جس کی وجہ سے فی الوقت پریس کانفرنس ملتوی کردی گئی ہے۔واضح رہے متحدہ قومی موومنٹ لندن نے کراچی کے لیے 12 رکنی عبوری رابطہ کمیٹی کے قیام کا اعلان کیا تھا۔