کراچی (ویب ڈیسک)معروف آن لائن ٹیکنالوجی کمپنی ’یاہو‘ نے اپنی انسٹنٹ میسیج سروس ایپلی کیشن ’یاہو‘ میسینجر کو بند کرنے کا اعلان کردیا۔خیال رہے کہ ’یاہو‘ نے اپنی میسینجر ایپلی کیشن کو 2 سال قبل 2016 میں اپ ڈیٹ کیا تھا، کمپنی نے پرانی میسیج ایپلی کیشن بند کرکے نئی ایپلی کیشن متعارف کرائی تھی۔’یاہو‘ نے انسٹنٹ میسیج ایپلی کیشن 2 دہائیاں قبل 1998 میں متعارف کرائی تھی، اس میسینجر ایپ کا شمار دنیا کی پہلی انسٹنٹ میسیجنگ ایپلی کیشن میں ہوتا ہے۔’یاہو میسینجر‘ کو ابتدائی طور پر 9 مارچ 1998 کو متعارف کرایا گیا تھا، اس ایپلی کیشن میں گزشتہ 20 سالوں کو دوران صارفین کی توجہ حاصل کرنے کے لیے متعدد تبدیلیاں بھی کی گئیں۔یاہو میسینجر چیٹ رومز سمیت دیگر فیچر بھی متعارف کرائے گئے، تاہم گزرتے وقت اور نئی میسیجنگ ایپلی کیشنز اور سوشل ویب سائٹس ا?نے کے بعد اسے سخت مشکلات درپیش تھیں۔یاہو میسینجر نے 2012 میں چیٹ روم فیچر بھی بند کردیا تھا، اب اس ایپلی کیشن کو مکمل طور پر ا?ئندہ ماہ سے بند کردیا جائے گا۔یاہو نے اپنے ایک بیان میں اس بات کی تصدیق کی کہ 17 جولائی 2018 کے بعد ’یاہو میسینجر‘ کو بند کردیا جائے گا۔بیان میں کہا گیا کہ کمپنی ا?ئندہ ماہ سے اپنی معروف ایپلی کیشن کو برقرار نہیں رکھ سکے گی، جس کے لیے وہ اپنے جذباتی صارفین سے معزرت خواہ ہے۔ساتھ ہی کمپنی کی جانب سے صارفین کو اپنی چیٹ بھی ڈاو¿ن لوڈ کرنے کی سہولت فراہم کی گئی۔یاہو نے اپنے بیان میں صارفین کو ’یاہو میسینجر‘ کی جگہ نئی میسیجنگ ایپلی کیشن استعمال کرنے کا مشورہ بھی دیا۔یاہو نے اپنے صارفین کو ’اسکئرل‘ نامی اپنی نئی میسیجنگ ایپلی کیشن استعمال کرنے کا مشورہ دیا، جسے 17 جولائی کے بعد ا?ن لائن کیا جائے گا۔یاہو سے قبل ماضی کی دیگر مقبول میسیجنگ ایپلی کیشنز ’اے او ایل‘ کو 2017 جب کہ ’ایم ایس این‘ کو 2014 میں بند کیا جا چکا ہے۔
یا ہو مسینجر بند،نئی ایپلی کیشن متعارف
