پاک ،ویسٹ انڈیز ٹیسٹ میچ دلچسپ مرحلے میں داخل

ابو ظہبی(ویب ڈیسک) ٹیسٹ کے تیسرے روز ویسٹ انڈیز کی پوری ٹیم 224 رنز پر آو¿ٹ ہو گئی تاہم فالو آن کرانے کے بجائے پاکستان نے اپنی دوسری اننگز کا آغاز کیا جس کے بعد پاکستان نے ویسٹ انڈیز پر 342 رنز کی برتری حاصل کرلی ہے۔ابو ظہبی کے شیخ زید اسٹیڈیم میں کھیلے جا رہے ٹیسٹ میں ویسٹ انڈیز کی پوری ٹیم پہلی اننگز میں 224 رنز بنا کر آو¿ٹ ہوگئی تاہم پاکستان نے کھیل کے تیسرے روز کے اختتام تک اپنی دوسری اننگز میں ایک وکٹ کے نقصان پر 114 رنز بنا لئے اس طرح قومی ٹیم کو مہمان ٹیم پر 342 رنز کی مجموعی برتری حاصل ہوگئی۔ پاکستان کی جانب سے اوپننگ بلے باز محمد سمیع اور اظہر علی نے دوسری اننگز کا ا?غاز پر اعتماد انداز میں کیا، سمیع اسلم نے 50 رنز بنائے اور 93 کے مجموعی اسکور پر ا?و¿ٹ ہوگئے جب کہ اظہر علی 52 اور اسد شفیق 5 رنز کے ساتھ کریز پر موجود ہیں۔اس سے قبل ویسٹ انڈیز نے کھیل کے تیسرے روز اپنی پہلی نامکمل اننگز کا آغاز کیا تو روندرا بشو اور جرمائن بلیک ووڈ بغیر کھاتا کھولے وکٹ پر موجود تھے، بلیک ووڈ 8 رنز بنا کر راحت علی کا شکار بنے جب کہ بشو 20 اور چیز 22 رنز بنا کر آو¿ٹ ہوئے، جیسن ہولڈر 31 رنز بنا کر ناٹ آو¿ٹ رہے۔ پاکستان کی جانب سے یاسر شاہ نے 4، راحت علی نے 3 اور سہیل خان نے دو وکٹیں حاصل کیں۔