تحریک انصاف کا سب سے بڑا مطالبہ قبول …. لیگی حلقوں میں کھلبلی

اسلام آباد (خصوصی رپورٹ) وفاقی حکومت 2نومبر کو تحریک انصاف کی دھرنے کی کال کو غیرمو¿ثر بنانے کیلئے اپوزیشن کی طرف سے تیارکردہ پانامہ لیکس پر ٹی او آرز کو قبول کر سکتی ہے۔ پیپلز پارٹی کی قیادت نے حکومت کو مشورہ دیا ہے کہ 2نومبر کو حالات کسی طرف بھی جا سکتے ہیں‘ بہتر ہے حکومت پانامہ لیکس پر اپوزیشن کے ٹی او آرز کو قبول کر لے۔ ذرائع کے مطابق وزیراعظم نوازشریف نے دوستوں کے ذریعے پیپلزپارٹی کی قیادت سے رابطے کر کے مدد کی خواہش ظاہر کی ہے۔ حکومت اگلے چند روز میں حالات کا مقابلہ کرنے کیلئے حکمت عملی کو حتمی شکل دے گی۔ دھرنے سے نمٹنے کیلئے حکومت کے پاس طاقت کا استعمال بھی آپشن ہے۔ ماہرین کا کہنا ہے کہ پانامہ لیکس پر اگر سپریم کورٹ نے یکم نومبر کو پٹیشنز باضابطہ طور پر قبول کر لیں تو تحریک انصاف اخلاقی طور پر دھرنے کا جواز کھو دے گی۔ دوسری طرف وزیراعظم نے دھرنے سے باز رکھنے کیلئے تحریک انصاف پر دباﺅ بڑھانے کے حوالے سے اپوزیشن کی قیادت سے رابطے کا فیصلہ بھی کیا ہے۔ حکومتی مو¿قف کے بارے میں آگاہ کرنے کیلئے پرویزرشید‘ سعدرفیق‘ اسحاق ڈار‘ احسن اقبال‘ زاہد حامد اور آصف کرمانیاسلام آباد (خصوصی رپورٹ) حکومت کی تین رکنی کمیٹی نے پیپلز پارٹی کے رہنماﺅں سے ملاقات کی۔ حکومتی وفد میں اسحاق ڈار‘ خواجہ سعد رفیق‘ حاصل بزنجو جبکہ پی پی کی طرف سے سید خورشید شاہ‘ اعتزازاحسن اور قمرزمان کائرہ شامل تھے۔ خورشید شاہ کی رہائش پر ہونیوالی ملاقات میں تحریک انصاف کے 2 نومبر کے دھرنے پر تبادلہ خیال کیا گیا۔ اس کے علاوہ پانامہ لیکس کے ٹی او آرز‘ اہم ملکی اور سیاسی امور پر تبادلہ خیال بھی ہوا۔ حکومتی وفد نے دھرکے کے معاملے پر تعاون کی درخواست کی‘ پی پی نے جواب دیا کہ حکومت پہلے بلاول بھٹو کے چار مطالبات پر فوری عمل کرے۔ بلاول بھٹو کے چار مطالبات ہی ہمارا روڈ میپ ہیں۔ بلاول کے مطالبات پر عملدرآمد کی صورت میں آگے بڑھا جا سکتا ہے۔