لاہور (کرائم رپو رٹر) پی ٹی آئی کے نومنتخب ایم پی اے ندیم عباس باراکے ڈیرے پر ایس ایچ او ہنجر وال اور دیگر پولیس ملازمین پر تشدد کا معاملہ ، رات گئے پولیس ے ایم پی اے ندیم عباس واڑہ کے خلاف دفعہ سیون اے ٹی اے،پولیس پر حملہ،اسلحہ اور وائرلس سیٹ چھیننے سمیت دیگر دفعات کے تحت مقدمہ درج کرلیا ، گزشتہ روز ندیم عباس واڑہ نے بھی ایس ایچ او ہنجر وال کے خلاف ایک وڈیو بیان ریکارڈ کروانے کے بعد سوشل میڈیا پر اپ لوڈ کر کے پولیس کو گرفتاری دیدی ۔ بتایا گیا ہے کہ ایک روز قبل رات گئے پی پی 161کے کامیاب پی ٹی آئی امید وار ندیم عباس باڑہ کے ڈیرے پرہوائی فائرنگ کا واقع پیش آیا جس پر پولیس کی جانب سے جب ملزمان کو سرعام فائرنگ اور آتشبازی سے منع کیا گیا تو پی ٹی آئی کے نومنتخب ایم پی اے اور دیگر کارکنان نے پولیس پر حملہ کر دیا تھا جس کا گزشتہ روزایم پی اے ندیم باڑہ سمیت 27نامزد اور 20 سے زائد نامعلوم افراد کے خلاف مقدمہ درج کرلیا گیا تھا تاہم ندیم عباس باڑہ موقع سے فرار ہوگیا تھا جس نے گزشتہ روز ایس پی آفس گرین ٹاﺅن جاکر خود اپنی گرفتاری دیدی ہے تاہم اس سے قبل ندیم عباس باڑہ کا ایک وڈیو بیان سوشل میڈیا پر اپ لوڈ ہوا جس میں ان کا کہنا تھا کہ ایس ایچ ا و ہنجر وال الیکشن سے قبل ہی اوچھے ہتھکنڈے استعمال کررہا تھا اور کبھی وہ میری الیکشن کمپین میں خلل ڈالتا تو کبھی جلسے اور جلوسوں کے حوالے سے مجھے پریشان کر تا تھا جبکہ پولنگ والے روز بھی ایس ایچ او ہنجر وال نے پونا گھنٹاتک پولنگ شروع نہیں ہونے جس پر میں نے جب موقع پرموجود فوجیوں کی مدد سے پولنگ کا آغاز کروایا ۔ دوسری جانب پولیس کا کہنا ہے کہ ملزمان نےپٹرول چھڑک کر سرکاری گاڑی کو بھی آگ لگانے کی کوشش کی اور توڑ پھوڑ بھی کیتاہم پولیس پر حملہ سٹیٹ کی رٹ کو چیلنج کر نا ہے تاہم ملزمان کے خلاف قانون کے مطابق کاروائی عمل میں لائی جائے گی۔
