اسلام آباد (ویب ڈیسک)پاکستان میں بھارت کے بہت بڑے دہشتگردی اور جاسوسی کے نیٹ ورک کا انکشاف،اس سے قبل بھی ایک بھارتی سفارتکار اور ”را“کا حاضر سروس ایجنٹ کلبوشن یادیو پکڑا جا چکا ہے ،اب پاکستا ن میں تعینات بھارتی ہائی کمیشن کی ملک دشمن سرگرمیاں پکڑی گئیں ،پکڑا جانیوالا راجیش کمار ہائی کمیشن میں کمرشل قونصلر ہیں۔پاکستان میں کلبھوشن یادو کے بعد ایک اور بھارتی نیٹ ورک پکڑا گیا۔ بھارتی ہائی کمیشن کے سفارتکاروں کا تخریبی کارروائیوں میں ملوث ہونے کا انکشاف کیا گیا۔ذرائع کے مطابق بھارتی ایجنسی آئی بی کا افسر بلبیرسنگھ فرسٹ سیکریٹری پریس انفارمیشن تعینات تھا۔ پاکستان بدر کیا گیا سرجیت سنگھ بھی بلبیرسنگھ نیٹ ورک کا حصہ تھا۔ ذرائع کے مطابق بھارتی سفارتکار خفیہ ایجنسی رائ کا اسٹیشن چیف بھی تھا۔واضح رہے اس سے پہلے بھی حساس اداروں نے بلوچستان میں بڑی اور اہم کارروائی کرتے ہوئے ہندوستانی نیوی کے حاضر سروس افسر کلبھوشن یادو کو گرفتار کرنے کا دعویٰ کیا تھا۔ ہندوستانی جاسوس بلوچستان میں علیحدگی پسند تنظیموں کی مدد کرنے اور بلوچستان میں فرقہ وارانہ فسادات بھڑکانے میں ملوث تھا۔ اس کے علاوہ ملزم کے کراچی میں کالعدم دہشت گرد تنظیموں سے روابط کا انکشاف کیا گیا۔ را ایجنٹ کی گرفتاری کے چند روز بعد اس کی ویڈیو بھی سامنے لائی گئی، جس میں کلبھوشن یادیو نے اعتراف کیا کہ اسے 2013 میں خفیہ ایجنسی را میں شامل کیا گیا اور وہ اس وقت بھی ہندوستانی نیوی کا حاضر سروس افسر تھا۔دوروز قبل بھی ایک اور بھارتی سفارتی اہلکار سر جیت سنگھ کو نا پسندیدہ سرگرمیوں کی بناءپر ملک بدر کیا جا چکا ہے ۔یہ بھی بلبیر سنگھ کے نیٹ ورک کا حصہ تھا ۔
