سپریم کورٹ …. حکومت کو بڑا دھچکہ

اسلام آباد (آن لائن، این این آئی) سپریم کورٹ میں وزیراعظم کی جانب سے کابینہ کو بائی پاس کرنے کے حوالے سے کیس کی سماعت ہوئی عدالت نے وفاق کی اپیل خارج کر دی ۔ کیس کی سماعت جسٹس ثاقب نثار کی سربراہی میں جسٹس عارف خلجی اور جسٹس مقبول باقر پر مشتمل تین رکنی بنچ نے کی۔ جسٹس ثاقب نثار نے اپنے ریمارکس میں کہا کہ آئین میں وزیراعظم کی سولو فلائٹ کی گنجائش نہیں۔ ٹیکس استثنیٰ اور لیوی وفاقی حکومت کا اختیار ہے۔ آئین میں کہیں نہیں لکھا کہ کوئی وزیراعظم یا کوئی وزیر و مشیر تنہا وفاقی حکومت ہے۔ انہوں نے کہاکہ رولز کبھی بھی آئین سے بالاتر نہیں ہو سکتے۔ کیا وزیراعظم کابینہ کی منظوری کے بغیر جو چاہے کر سکتا ہے؟ جسٹس ثاقب نثار نے کہا کہ آئین میں وفاقی حکومت کی تعریف بیان نہیں کی گئی۔ وفاقی حکومت کابینہ کے مجموعے کو کہا جائے گا۔ ہر وفاقی وزیر وفاقی حکومت کہلائے گا۔ حکومتی وکیل نے عدالت کو بتایا کہ حکومتی امور کے لئے مضبوط وزیراعظم کی ضرورت ہوتی ہے۔ عدالت نے وفاقی حکومت کی اپیل خارج کر دی اور کیس نمٹا دیا۔ سپریم کورٹ آف پاکستان نے وفاقی کابینہ کوبائی پاس کرنے کے وزیراعظم کے اختیار کوکالعدم کرنے کےخلاف حکومت کی نظرثانی درخواست مستردکردی ہے۔ جمعہ کو جسٹس ثاقب نثار کی سربراہی میں تین رکنی بنچ نے حکومت کی نظرثانی درخواست پرسماعت کی۔ اٹارنی جنرل پاکستان نے حکومتی اپیل پر دلائل دیتے ہوئے کہا کہ حکومتی امور کےلئے مضبوط وزیراعظم کی ضرورت ہے۔جسٹس ثاقب نثار نے ریمارکس دیے کہ آئین میں وزیراعظم کی سولوفلائٹ کی گنجائش نہیں، ٹیکس استثنا اور لیوی ٹیکس کا نفاذ وفاقی حکومت کا اختیار ہے ¾ آئین میں کہیں نہیں لکھا کہ وزیراعظم یا کوئی وزیر و مشیر تنہا وفاقی حکومت ہے، رولز کبھی بھی آئین سے بالاتر نہیں ہوسکتے۔جسٹس ثاقب نثار نے سوال کیا کہ کیا وزیراعظم کابینہ کی منظوری کے بغیر جو چاہے کرسکتاہے؟ اٹارنی جنرل نے کہا کہ ہروفاقی وزیر وفاقی حکومت کہلائے گا، اس پر جسٹس ثاقب نثار نے کہا کہ آئین میں وفاقی حکومت کی تعریف بیان نہیں کی گئی ¾ وفاقی حکومت کابینہ کے مجموعے کو کہا جاتاہے۔سماعت کے بعد سپریم کورٹ نے وزیراعظم نواز شریف کی جانب سے کابینہ کو بائی پاس کرنے کے معاملے پر وفاق کی نظر ثانی اپیل خارج کردی