لاہور ( شوبزڈیسک)ڈسٹر ی بیوشن کلب کی پیشکش ” بدھائی ہو“ کا کھڑکی توڑ بزنس جاری ، چار دنوں میں 45کروڑ سے زائد کما لئے ۔آیوشمن کھرانہ ، ثانیہ ملہوتر اور نینا گپتا کی شاندار پرفارمنس کو پاکستانی سنیماﺅں میں بھی خوب سراہا جا رہا ہے۔ طنزو مزاح سے بھرپور بالی وڈ کی نئی کامیڈی ڈرامہ فلم ” بدھائی ہو “ کودنیا بھر کے ساتھ ساتھ پاکستانی سنیماﺅں میں بھی ہاﺅس فل نمائش جاری ہے ۔ ڈائریکٹر امیت شرما کی زیر ہدایت بنی فلم نے ریلیز کے پہلے روزسوا سات کروڑ سے زائد بزنس سے کمائی کا آغاز کیا تھا جبکہ اس کے بعد بزنس میں ہونے والے کئی گنا اضافے نے پہلے ہفتے میںہی فلم کا سپرہٹ فلموں کی فہرست میں شامل کر دیا ہے ۔ ” بدھائی ہو“ نے ریلیز کے دوسرے روز11.67کروڑ ، تیسر ے روز 12.60 کروڑ جبکہ اتوار کے روز 13.50کروڑ کمائی کرکے فلمی حلقوں کو حیران کردیا ہے ۔ تجزیہ نگاروں کا مزیدکہنا ہے کہ مضبوط اسکرپٹ اور جاندار مکالموں کے باعث فلم کامیابی کے نئے ریکارڈ قائم کرے گی۔
”بدھائی ہو“ پاکستان میں نمائش جاری45کروڑ کا بزنس کر لیا
