کراچی (ویب ڈیسک )وزیراعلیٰ سندھ نے اپنی نیو ایئر نائٹ کراچی کے ساحل پر دوستوں کے ساتھ گزاری اور اس موقع پر وہ عوام کے ساتھ گھل مل گئے جبکہ شہریوں نے ان کے ساتھ سیلفیاں بھی بنائیں۔تفصیلات کے مطابق وزیراعلیٰ مراد علی شاہ نے نئے سال کا آغاز الگ ہی ’ سویگ ‘ کے ساتھ کیا اور عوام کے درمیان رہ کر بھر پور طریقے سے انجوائے کیا جس سے یہ ثابت ہو تاہے کہ سیکیورٹی اداروں نے جان کے نذرانے پیش کرتے ہوئے امن قائم کر دیا ہے۔کراچی کے ساحل کے دورے کے موقع پر وزیراعلیٰ سندھ کے ہمراہ سینیٹر مرتضیٰ وہاب بھی موجود تھے جبکہ اس موقع پر ان کے ساتھ پروٹوکول نہیں تھا وہ بالکل عام عوام کی طرح گھوم ر ہے تھے۔ اس موقع پر انہوں نے گاڑی پر بیٹھ کر ساحل کی سیر بھی کی جبکہ ان کی چھلی کھاتے ہوئے ویڈیو بھی سوشل میڈیا پر وائرل ہو گئی ہے۔کراچی میںایک لمبے عرصے کے بعد کراچی ساحل کے علاوہ دیگر مقامات پر سال نو کا جشن اس طریقے سے منایا گیاہے جبکہ اس موقع پر بھر پور آتش بازی کا بھی مظاہرہ کیا گیا تھا۔
