ممبئی(ویب ڈیسک) حالیہ عرصے میں بالی ووڈ کی کئی اداکارائیں انڈسٹری میں جنسی استحصال کے متعلق کھل کر سامنے ا?ئی ہیں اور اپنے ساتھ پیش ا?نے والے شرمناک واقعات دنیا کو بتائے ہیں۔ اب اس فہرست میں اداکارہ زرین خان کا اضافہ ہو گیا ہے جنہوں نے گزشتہ دنوں انٹرویو دیتے ہوئے بھارتی فلم انڈسٹری کا شرمناک چہرہ بے نقاب کیا۔پنک وِلا کے مطابق زرین خان نے بتایا کہ بالی ووڈ میں کاسٹنگ کاﺅچ ایک حقیقت ہے اور بیشتر اداکاراﺅں کو اپنے کیریئر میں کبھی نہ کبھی اس سے واسطہ پڑ چکا ہے۔ اپنے ساتھ پیش ا?ئے واقعات کے بارے میں زرین خان نے بتایا کہ مجھے دو بار جنسی استحصال کا نشانہ بنانے کی کوشش کی گئی۔ ایک بار ایک ڈائریکٹر نے مجھے کہا کہ ”فلم میں بوس و کنار کا ایک منظر ہے، اس منظر کی ریہرسل تم میرے ساتھ کرو۔زرین خان کا کہنا تھا کہ ”میں نے اس ڈائریکٹر کو سختی سے منع کر دیا۔ میں نے کہا کہ میں ریہرسل میں بوس و کنار نہیں کروں گی۔یہ ان دنوں کی بات ہے جب میں انڈسٹری میں نووارد تھی۔“جنسی ہراسگی کا دوسرا واقعہ سناتے ہوئے زرین خان نے بتایا کہ ”ایک بار ایک اور شخص نے مجھے کہا کہ وہ مجھ سے دوستی سے بڑھ کر تعلق قائم کرنا چاہتا ہے۔ اس نے کہا کہ اگر میں ’ہاں‘ کہوں گی تو وہ مجھے انڈسٹری میں مزید کام دلوانے میں مدد کرے گا۔
