چینل ۵ پر خبر نشر ہونے کے بعد ڈی جی والڈ سٹی کو ہوش آ گیا‘ مقدمے کیلئے تھانہ ٹبی میں درخواست دیدی

لاہور (خصوصی رپورٹر) چینل فائیو پر خبر نشر ہونے کے بعد ڈی جی والڈ سٹی کو بھی ہوش آگیا شاہی قلعہ میں ہونے والی شادی کی تقریب کے خلاف تھانہ ٹبی سٹی میں درخواست دائر کردی جس میں بتایا گیا ہے کمپنی نے اجازت نامے کے خلاف سرگرمیاں سرانجام دیں، والڈسٹی کے قواعدو ضوابط کے مطابق قلعے میں آتش بازی،کھانا بنانا، خوبصورتی کو نقصان پہنچانا اور دیگر سرگرمیاں ممنوع ہے جس کی کمپنی کی طرف سے خلاف ورزی کرنے اور جھوٹ بولنے پر مقدمہ درج کیا جائے۔ اس حوالے سے ایس ایچ او ٹبی سٹی عاطف ملک کا کہنا ہے کہ درخواست موصول ہوئی ہے مزید کاغذات والڈ سٹی سے طلب کئے ہیں جس کے بعد ایف آئی آر درج کی جائے گی۔