ٹرمپ نے امیگریشن بند کردی،پاکستانیوں سمیت غیر ملکی خوفزدہ

نیویارک(محسن ظہیر سے) امریکہ میں ایک خبرکرونا اور تیل کی قیمتوں میں کرپشن بڑے پیمانے پرپاکستانیوں پر بجلی بن کر گری ہے، صدر ٹرمپ نے امیگریشن پر پابندی لگادی، نیو یارک ٹائمز نے لیڈ سٹوری کے طور پر شائع کیا ہے کہ تارکین وطن کو بند کردیا جائیگا، پاکستانی ،انڈین اور دوسرے ممالک سے آنیوالے لوگ اس اعلان پر انتہائی پریشان ہیں ، اس لئے کہ امریکہ میں ایک کروڑ دس لاکھ کے قریب مختلف ملکوں کے تارکین وطن موجود ہیں جو مختلف طریقوں سے امریکہ گئے اور اب مقامی معیشت کا حصہ بن چکے ہیں، واضح رہے کہ ٹرمپ نے حکومت میں آنے کے بعد فور ی طور پر غیر ملکیوں کے بارے میں سخت رویہ اپنایاتھا،انہوں نے سب سے پہلے گیارہ ملکوں پر سفری پابندیاں لگائیں بعد ازاں میکسیو کے آنیوالے شہریوں پر پابندی لگانے کیلئے سرحد پر دیوار بنانا شروع کی اس کی بڑی مخالفت ہوئی اور کانگریس نے دیوار بنانے کے اخراجات کی منظوری نہ دی لیکن ٹرمپ نے منظوری کے بغیر دیگر ذرائع سے فنڈز جمع کیے اور ایک سوساٹھ میل لمبی دیوار کی تعمیر شروع کردی جو پندرہ فٹ بلند تھی، میکسیکو امریکہ کی نسبت غریب ملک ہے اور اس کی سرحت بہت نیچی ہے ،ٹرمپ پہلے بھی تارکین طون کےخلاف باتیں کرعتا رہتا ہے تاہم گذشتہ روز ڈرامائی طور پر اس نے اپنے طور پر پابندی کا اعلان کردیا جس پر تارکین وطن میں جن میں دنیا بھر کے ممالک اسے امریکہ آنیوالے لوگ شامل ہیں خوف و دہشت کی فضا پھیل گئی ہے، بعض لوگ 25سے 30سال پہلے آئے تھے اور زیادہ تر لوگوں کو مقامی شہریت نہیں مل سکی، اوبامہ کے دور تک تارکین وطن کو امریکی شہریت ملنے کے مختلف مدارج پر کام جاری تھا لیکن ٹرمپ نے اقتدار میں آتے ہی اسے ٹھپ کردیا، لوگ پابندی کے احکام کی تفصیلات کے منتظر ہیں کہ پتہ چل سکے کہ پہلے کس کٹیگری پر فوری کارروائی شروع ہوگی، اگر یہ عمل جاری ہو جاتا ہے تو بیشمار پاکستانیوں کو خطرہ ہے کہ انہیں ڈی پورٹ کردیا جائیگا اور زبردستی امریکہ سے نکال دیا جائیگا۔