مشیر خزانہ عبدالحفیظ شیخ نے کہا ہے کہ پاکستان اسٹاک ایکسچینج نے ایشیاء کی بہترین پرفارمنگ مارکیٹ کا اعزاز حاصل کیا ہے۔
تفصیلات کے مطابق سماجی رابطے کی ویب سائٹ پر اپنے ایک پیغام میں مشیر خزانہ عبدالحفیظ شیخ کی جانب سے پاکستان اسٹاک ایکسچینج کو مبارکباد پیش کی گئی ہے۔
عبدالحفیظ شیخ نے اپنے پیغام میں کہا ہے کہ گذشتہ 7 دنوں میں پاکستان اسٹاک ایکسچینج کی تجارت کا حجم 3 بار 1 بلین حصص کو عبور کرگیا ہے جس کے باعث پاکستان اسٹاک ایکسچینج نے ایشیا کی بہترین پرفارمنگ مارکیٹ کا اعزاز حاصل کیا ہے۔
