وفاقی وزیر علی زیدی نے کہا کہ وفاق نے کراچی کیلئے 9 ارب 90 کروڑ روپے مختص کیے ہیں۔
تفصیلات کے مطابق وفاقی وزیر علی زیدی نے اپنے بیان میں کہا کہ کراچی میں 14 سال میں صرف ایک بس آئی اسکی بھی ٹیسٹنگ ہورہی ہے، گرین بس لائن منصوبہ بھی وفاق مکمل کر رہا ہے جو اگست میں مکمل ہوجائے گا، کےفور منصوبہ بھی وفاقی حکومت مکمل کر رہی ہے۔
انہوں نے کہا کہ کراچی میں لائن میں پانی نہیں آتا، ٹینکرمافیا کے ذریعے ملتا ہے، پورے کراچی میں ترقیاتی کام ہو رہے ہیں، پی ٹی آئی کراچی میں جوکام کررہی ہے وہ صوبائی حکومت کے ہیں، کراچی میں نالوں کی صفائی وفاقی حکومت کروا رہی ہے۔
وفاقی وزیر نے کہا کہ کراچی میں تجاوزات وفاقی حکومت ہٹا رہی ہے، گرین لائن بس کےعلاوہ نئے منصوبے کی خوشخبری دیں گے، نالوں کی صفائی اور سڑکوں کی تعمیر ہم کر رہے ہیں اور سندھ سالڈویسٹ مینجمنٹ ہمارے کاموں پر اپنے اشتہار چلا رہے ہیں۔
علی زیدی نے کہا کہ سائیں سرکار سے کوئی توقعات نہیں، فلاحی ادارے نہ ہوتے تو ایمبولینس بھی نہ ملتی، کراچی میں فائربریگیڈ کا کوئی نظام نہیں تھا، جب کہیں آگ لگتی ہے تو کے پی ٹی کے فائرٹینڈرز بھجوائے جاتے ہیں، زندگی میں کوئی کام نہ کرنے والا اپنی سی وی امریکا لے کر گیا ہے۔
وفاقی وزیر علی زیدی نے مزید کہا کہ سیاسی جماعتوں میں ایک جیسی سوچ رکھنے والے گروپ بن جاتے ہیں، سندھ میں لوگ پی ٹی آئی میں شمولیت اختیارکر رہے ہیں، بلاول کے اربوں کے باہر کے اثاثے انہیں ورثے میں ملے ہیں، بلاول کو باہر ممالک کے اثاثے ورثے میں کیسے مل گئے، بلاول سوال کرتے ہیں وزیراعظم ہیلی کاپٹر استعمال کر رہے ہیں۔
