ڈھاکہ(نیوزایجنسیاں)بنگلہ دیش نے دوسرے ٹی 20میچ میں نیوزی لینڈ کو چاررنز سے شکست دیدی ہے۔نیوزی لینڈ کی ٹیم 142 رنز کے تعاقب میں 137 رنز بناسکی۔نیوزی لینڈ کی جانب سے ٹوم لیتھم 67اور ول ینگ 22 رنز بناکر نمایاں رہے۔142 رنز کے تعاقب میں نیوزی لینڈ کی ٹیم اچھا آغاز نہ کرسکی اور وقفے وقفے سے اسے کی وکٹیں گرتی رہیں۔تاہم اننگز کے آکر میں کپتان ٹوم لیتھم کی جارحانہ بلے بازی نے میچ کو دلچسپ بنادیا۔نیوزی لینڈ کو جیت کے لیے آخری گیند پر چھ رنز درکار تھے تاہم آخری گیند پر صرف ایک رن بن سکا۔بنگلہ دیش کی جانب سے شکیب الحسن اور مہدی حسن دو،دو کھلاڑیوں کو آٹ کرکے نمایاں رہے۔بنگلہ دیش کی ٹیم نے پہلے بیٹنگ کرتے ہوئے مقررہ 20 اوورز میں چھ وکٹوں کے نقصان پر 141 رنز بنائے تھے۔بنگلہ دیش کی جانب سے محمد نعیم 39اور لٹن داس 33رنز بناکر نمایاں رہے۔نیوزی لینڈ کی جانب سے رویندرا نے تین کھلاڑیوں کو آﺅٹ کیا۔واضح رہے اس سے قبل بنگلہ دیش نے پہلے ٹی 20 میں نیوزی لینڈ کو سات وکٹوں سے شکست دیدی۔بنگلہ دیش نے 61 رنز کا ہدف تین وکٹوں کے نقصان پر پورا کرلیاتھا۔بنگلہ دیش کی جانب سے شکیب الحسن 25رنز بناکر نمایاں رہے۔مشفیق الرحیم 16اور محمد اللہ 14رنز بناکر ناٹ آﺅٹ رہے۔نیوزی لینڈ کی جانب سے اعجاز پٹیل نے چار اوورز میں سات رنز دیکر ایک کھلاڑی کو آﺅٹ کیا۔ نیوزی لینڈ کی ٹیم نے پہلے ٹاس جیت کر بیٹنگ کا فیصلہ کیا تھا جو اس کے لیے ڈراﺅنا خواب ثابت ہوا۔نیوزی لینڈ کے صرف دو بلے باز ڈبل فگرز میں داخل ہوسکے۔ٹوم لیتھم اور ہینری نکلس 18،18 رنز بناکر نمایاں رہے۔بنگلہ دیش کی جانب سے مستفیض الرحیم نے تین، شکیب الحسن،نسیم احمد اورمحمد سیف الدین نے دو ،دو کھلاڑیوں کو آﺅٹ کیا۔
کیويز بنگالیوں کيخلاف دوسرا ٹی 20 بھی ہر گئی
