دعا کر رہا ہوں کیرئیر کا ابھی اختتام نہ ہو: جیمز اینڈرسن

لندن: (ویب ڈیسک) انگلینڈ کے مایہ ناز فاسٹ باؤلر جیمز اینڈرسن نے اسکواڈ میں منتخب نہ ہونے پر کہا ہے کہ دعا ہے کہ میرا کیرئیر ختم نہ ہو۔
انگلینڈ کے لئے ٹیسٹ کرکٹ میں سب سے زیادہ وکٹیں لینے والے باؤلر جیمز اینڈرسن کو ویسٹ انڈیز کے ٹور کے لئے منتخب نہیں کیا گیا ہے ۔جیمز اینڈرسن کے علاوہ سٹورٹ براڈ بھی ویسٹ انڈیز کے لئے سلیکٹرزکا اعتماد حاصل کرنے میں ناکام رہے۔ انگلینڈ دورہ ویسٹ انڈیز میں تین ٹیسٹ میچز کھیلے گی۔
جیمز اینڈرسن نے سکواڈ میں شامل نہ کئے جانے پر برطانوی میڈیا سے گفتگو کرتے ہوئے کہا کہ میں دعا کر رہا ہوں کہ میرے کیرئیر کا ابھی اختتام نہ ہو۔ جیمز اینڈرسن نے مزید کہا کہ اگر میں مستقبل میں انگلینڈ ٹیم کا حصہ نہ بنا تو میں جانتا ہوں ہوں کہ مجھے سپورٹ کرنے والے بہت لوگ موجود ہیں جو میرے لئے اہم ہے۔
سیم باؤلر جیمز اینڈرسن نے کہا کہ وہ کاؤنٹی کرکٹ میں لنکا شائر کی طرف سے اپریل میں ایکشن میں ہوں گے اور اپنی پرفارمنس سے ٹیم میں دوبارہ آنے کی کوشش کروں گا۔ سلیکٹرز کو متاثر کرنے کی صلاحیت موجود ہے جس کا میں بھرپور فائدہ اٹھاؤں گا۔