حریم فاروق ”پرچی “ کی شوٹنگ کا آغاز

کراچی (شوبزڈیسک) اداکارہ حریم فاروق نے کہا فلم ”جانان“ کی ملک و بیرون ملک شاندار کامیابی کے بعد نئی فلم ”پرچی “کی کاغذی تیاریاں مکمل کرچکی ہوں ، گزشتہ برس کی فلم اب تک 30 کروڑ کا بزنس کرچکی ہے اور2016 ءمیں سب سے زیادہ پاکستانی فلم کا بزنس ریکارڈ بھی بنالیا ہے جس سے میرے حوصلے بلند ہوچکے ہیں۔ نئی فلم کی شوٹنگ کا آغاز مارچ میں کردیا جائیگا۔ فلم کو ریکارڈ ٹائم میں مکمل کرنے کی منصوبہ بندی کی جارہی ہے ملکی ڈراموں کے بعد فلموں نے دنیا بھرمیں ہماری نئی شناخت بنادی ہے۔ظہرانے میں شوبز و فیشن انڈسٹری سے وابستہ شخصیات نے شرکت کی۔ اس موقع پر پاکستان میں ماڈلنگ کے شعبے میں نئے ٹیلنٹ کو ملک بھر کے شہروں و دیہی علاقوں سے تلاش کرکے تربیت دینے کا فیصلہ کیا گیا اورپانچ رکنی کمیٹی کیلئے مسرت مصباح ، ثروت گیلانی، آمنہ شیخ، سدرہ اقبال ، حریم فاروق کا انتخاب کیا گیا جو نئی لڑکیوں کو اپنے تجربات کی روشنی میں تربیت دیں گی جسکی سرپرستی فہد اشرف اور انکی ٹیم کریگی۔