اسلام آباد: (ویب ڈیسک) ادارہ شماریات نے مہنگائی سے متعلق ماہانہ رپورٹ جاری کر دی ہے۔
ادارہ شماریات کی جانب سے جاری رپورٹ میں بتایا گیا ہے کہ فروری کے مقابلے میں مارچ میں مہنگائی میں 0.8 فیصد اضافہ ہوا۔
رپورٹ کے مطابق دیہی علاقوں میں مہنگائی میں 1 فیصد اضافہ ہوا جبکہ شہری علاقوں میں مہنگائی 0.7 فیصد بڑھی۔
ادارہ شماریات کے مطابق مارچ 2022 میں مہنگائی کی شرح 12.7 فیصد رہی جبکہ دیہی علاقوں میں مہنگائی 13.9 فیصد پر پہنچ گئی۔
جاری اعداد و شمار کے مطابق مارچ میں شہری علاقوں میں مہنگائی کی شرح 11.9 فیصد رہی۔
ادارہ شماریات کے مطابق مارچ میں سالانہ بنیادوں پر ٹماٹر 148.65 فیصد مہنگے ہوئے جبکہ کوکنگ آئل 48.05 فیصد اور گھی49.56 فیصد مہنگا ہوا، سالانہ بیناد پر دال مسور 38.32، سبزیاں34.92 اور پھل32 فیصد مہنگے ہوئے۔
مارچ میں سالانہ بنیاد پر سرسوں کا تیل 59.91، گوشت 23.68 اور چکن 19.59فیصدمہنگا ہوا جبکہ موٹر فیول36.98 فیصد، زندہ مرغی 33.63 فیصد اور فروٹ 15.17 فیصد مہنگا ہوا۔
اس کے علاوہ مارچ میں ماہانہ بنیادوں پر پیاز 7.01, دودھ 1.52, بیسن 0.91 فیصد، چائے 1.92 فیصد مہنگی ہوئی۔
