اسلام آباد: (ویب ڈیسک) پاکستان نے جولائی میں ایل این جی کارگو سپلائی کیلئے آنے والی مہنگی ترین بولی کو مسترد کر دیا اور اس قیمت پر ایل این جی نہ خریدنے کا فیصلہ کیا ہے۔
ذرائع کے مطابق پاکستان نے جولائی میں مجموعی طور پر اسپاٹ ٹینڈرنگ کے ذریعے 4 ایل این جی کارگو ز کی خریداری کیلئے بولیاں طلب کی تھیں،جس پر صرف ایک کارگو سپلائی کی بولی موصول ہوئی۔
ذرائع کا کہنا ہے کہ 30 سے 31 جولائی کی سپلائی کیلئے موصول ہونے والی 39.80 ڈالر فی ایم ایم بی ٹی یو کی بولی کو مہنگی ترین ہونے کے باعث مسترد کر دیا گیا ہے ،یہ بولی قطر انرجی ٹریڈنگ کی جانب سے موصول ہوئی تھی۔
پیٹرولیم ڈویژن کے ذرائع کے مطابق جولائی کیلئے نئی بولیاں طلب کی جائیں گی یا نہیں فیصلہ ایک دو روز مارکیٹ کو مانیٹر کرنے کے بعد کیا جائے گا۔
