جولائی میں سعودی ولی عہد محمد بن سلمان سے ملاقات کروں گا: امریکی صدر

نیو یارک: (ویب ڈیسک) امریکی صدر جو بائیڈن نے تصدیق کرتے ہوئے کہا ہے کہ وہ جولائی میں شیڈول دوہ سعودی عرب کے دوران ولی عہد محمد بن سلمان سے ملیں گے۔ سپین میں میڈیا ٹاک کے دوران صحافی کے سوال پر صدر بائیڈن نے اعتراف کیا کہ وہ سعودی فرمانروا شاہ سلمان اور ولی عہد محمد بن سلمان سے ملیں گے۔ اس سے پہلے وائٹ ہاؤس کے ترجمان نے کہا تھا کہ صدر بائیڈن اور محمد بن سلمان کی انفرادی ملاقات شیڈول نہیں ہے۔ یاد رہے کہ صدر بائیڈن حلف برداری کے بعد محمد بن سلمان کے خلاف بولتے رہے ہیں۔ غیر ملکی میڈیا کے مطابق صدر بائیڈن نے کہا کہ وہ دورے کے دوران سعودی عرب سے تیل کی پیداوار بڑھانےکی بات نہیں کریں گے۔