قومی بچت سکیموں کے شرح منافع میں ردوبدل ‘ ودہولڈنگ ٹیکس ‘ زکواة کٹوتی لاگو

لاہور ( ویب ڈیسک ) قومی بچت سکیموں پر منافع  کی شرح میں ردوبدل کردیا گیا۔ قومی بچت اسکیمز پر قواعدکے مطابق ودہولڈنگ ٹیکس اور زکوة کی کٹوتی لاگو ہوگی۔ قومی بچت سکیموں پر منافع کی نئی شرح کا اعلان کردیا گیا، اسپیشل سیونگز سرٹیفکیٹ پر پہلے 5منافع 12 فیصد اور چھٹے منافع پر 12.8 فیصد سالانہ شرح مقرر کردیا گیا۔ڈیفنس سیونگز سرٹیفکیٹ پر 10سال میں مجموعی منافع 215 فیصد تک پہنچ جائیگا، ریگولرانکم سرٹیفکیٹ پرایک لاکھ روپے کی سرمایہ کاری پر ماہانہ 1,010روپے منافع ملے گا۔بہبود سیونگز سرٹیفکیٹ پرایک لاکھ روپے کے ماہانہ منافع کی شرح 1,080 روپے پنشنرز بینیفٹ اکاؤنٹ پر ایک لاکھ روپے کے ماہانہ منافع کی شرح 1,080 روپے مقرر کردیا گیا۔شہدا فیملی ویلفیئراکاؤنٹ پر ایک لاکھ روپے کے ماہانہ منافع کی شرح 1,080روپے، شارٹ ٹرم سیونگز سرٹیفکیٹ پر3ماہ کیلئے 11.12فیصد مقرر ہوگیا۔6ماہ کیلئے 11.50 فیصد اور ایک سال کیلئے 11.72 فیصد سالانہ منافع مقرر کردیا گیا۔اعلامیے کے مطابق قومی بچت کے عام سیونگ اکاؤنٹ پرسالانہ منافع کی شرح 10 فیصد برقرار جبکہ سروا اسلامی ٹرم اکاؤنٹ پر ایک سال کیلئے 11.84 فیصد ہوگئی۔ 3سال کیلئے12.10 فیصد اور5سال کیلئے 12.12 فیصد منافع مقرر کردیا گیا۔ سروااسلامی سیونگ اکاؤنٹ پرمتوقع سالانہ منافع کی شرح 11.84 فیصد مقرر کردیا گیا۔
قومی بچت