کراچی : (ویب ڈیسک) کراچی کے حلقہ این اے 245 میں ضمنی انتخاب کا میدان سج گیا۔پولنگ کا عمل جاری ہے۔
کراچی کے حلقہ این اے 245 میں ضمنی الیکشن کے لیے پولنگ کا عمل جاری ہے جو شام 5 بجے تک جاری رہے گا۔
ایم کیو ایم کے معید انور ،پی ٹی آئی کے محمود مولوی ، ایم کیو ایم بحالی تحریک کے ڈاکٹر فاروق ستار ، تحریک لبیک کےمحمد احمد رضا میں کانٹے کا مقابلہ متوقع ہے۔
پا ک سرزمین پارٹی کی جانب سے حفیظ الدین اور مہاجر قومی مومنٹ کے محمد شاہد بھی اس نشست پر انتخابی دنگل میں زور آزمائی کر رہے ہیں۔
سیاسی اتحاد میں شریک پیپلز پارٹی اور جمعیت علمائے اسلام کے امیدوار ایم کیو ایم کے امیدوار کے حق میں دستبرداری کا اعلان کر چکے ہیں۔
ضمنی انتخابات کے لئے 17 امیدواروں کی جانب سے کاغذات نامزدگی جمع کرائے گئے تھے ۔ان میں سے اب 15 امیدوار مد مقابل ہیں
کراچی ضلع شرقی میں واقع این اے دوسو پینتالیس کا حلقہ پرانی حلقہ بندی کے مطابق این اے 251 اور 252کے علاقوں پر مشتمل ہے۔
ماضی میں یہ علاقہ ایم کیوایم کا گڑھ رہا ہے اور اس کے امیدوار یہاں جیتتے آئے ہیں۔ لیکن دوہزار اٹھارہ میں اسے یہاں شکست کا سامنا ہوا۔
دوہزار آٹھ کے عام انتخابات میں این اے 251 سے ایم کیو ایم کے وسیم اختر جبکہ این اے 252 سے عبدالررشید گوڈیل منتخب ہوئے۔
دو ہزار تیرہ کے عام انتخابات میں این اے 251 سے علی رضا عابدی اور این اے 252 سے دوبارہ عبدالررشید گوڈیل کامیاب قرار پائے ۔
دو ہزار اٹھارہ کے جنرل الیکشن میں این اے 245 سے پی ٹی آئی کے امیدوار ڈاکٹر عامر لیاقت حسین 56673 ووٹ لے کرمنتخب ہوئے۔
یہ بھی پڑھیں:شہباز شریف وعدے پورے کریں، کراچی کے شہری ہمیں کہہ رہے ان سے بھی جان چھڑائیں، وسیم اختر
ایم کیوایم کے فاروق ستار 35429 لیکر دوسرے اور تحریک لبیک کے محمد احمد رضا20737 ووٹ سمیت کر تیسرے نمبر پر رہے تھے ۔
واضح رہے کہ این اے 245 کی نشست تحریک انصاف کے ایم این اے عامر لیاقت کے انتقال کے باعث خالی ہوئی تھی۔
کراچی:این اے 245 میں ضمنی انتخاب کا میدان سج گیا
