اپنی بری کارکردگی سے خوف زدہ نہیں ہوں، ویرات کوہلی

ممبئی: (ویب ڈیسک) بھارتی بلے باز ویرات کوہلی نے کہا ہے کہ وہ اپنی گیم کو بہتر سمجھتے ہیں۔ اگر مجھ میں صلاحیت نہ ہوتی تو انٹرنیشل کرکٹ میں اتنا آگے تک نہیں آسکتا تھا۔
میڈیا سے گفتگو کرتے ہوئے اسٹار کرکٹر نے کہا کہ پرفارمنس کے حوالے سے ان پر جو برے دن گزر رہے ہیں وہ ان سے خوف زدہ نہیں ہیں۔
واضح رہے کہ گزشتہ تین برس سے ویرات کوہلی انٹرنیشنل کرکٹ کے کسی بھی فارمیٹ میں ایک بھی سنچری اسکور نہیں کرسکے ہیں۔
انہوں نے واضح طور پر کہا کہ 2014 میں انگلینڈ کے ٹور کے دوران ان کے ساتھ ایک ٹیکنیکل پرابلم تھی لیکن اب ان کی بیٹنگ میں کوئی مسئلہ نہیں ہے۔
33 سالہ اسٹار کرکٹر کا کہنا تھا کہ ان کیلئے ان کے تجربات بہت مقدس ہیں۔ وہ اپنے تجربات سے سیکھتے رہتے ہیں۔ کیریئر میں نشیب و فراز آتے رہتے ہیں۔ ان سے ڈرنا نہیں بلکہ سیکھنا چاہئے۔