اٹک، نویں جماعت کی طالبہ نے امتحان میں ناکامی پرزہریلی گولیاں کھا کر زندگی کا خاتمہ کر لیا

اٹک ( ڈسٹرکٹ رپو رٹر ) اٹک کی تحصیل پنڈی گھیب میں نویں جماعت کی طالبہ کا مبینہ طور پر امتحان میں ناکامی پر گھر میں پڑی زہریلی گولیاں کھا کر زندگی کا خاتمہ تفصیلات کے مطابق پنڈی گھیب کے علاقہ اخلاص میں افسوسناک واقعہ پیش آیا، جہاں نویں جماعت کی طالبہ مبینہ طور پر مسلسل دوسری مرتبہ امتحان میں ناکامی کے بعد انتہائی قدم اٹھاتے ہوئے جاں بحق ہوگئی،ذرائع کے مطابق طالبہ نے گھر پر پڑی زیریلی گولیاں کھا لی جس کے بعد اس کی طبیعت خراب ہونے پر اسے فوری طور پر ٹی ایچ کیو ہسپتال پنڈی گھیب منتقل کیا گیا، تاہم وہ جانبر نہ ہوسکی،واقعے کی اطلاع ملتے ہی پولیس موقع پر پہنچ گئی اور معاملے کی تحقیقات شروع کر دیں، پولیس کی جانب سے واقعے کے تمام پہلوؤں کا جائزہ لیا جا رہا ہے۔