معروف شاعر، ادیب وڈرامہ نویس امجداسلام امجد انتقال کرگئے

لاہور : (ویب ڈیسک) معروف شاعر ، ادیب، ڈرامہ و کالم نگار امجداسلام امجد 78 برس کی عمر میں انتقال کرگئے ۔
امجد اسلام امجد کا انتقال دل کا دورہ پڑنے کے باعث ہوا ، ان کے اہل خانہ نے تصدیق کردی ہے ۔
انہوں نے 1964 میں پنجاب یونیورسٹی سے ایم اے(اردو) پاس کیا اور درس وتدریس سے منسلک ہوگئے، کچھ عرصہ نیشنل سنٹر سے وابستہ رہے ، وہ چلڈرن لائبریری کمپیلکس ، لاہور کے پروجیکٹ ڈائریکٹر کے عہدے پر بھی فائز رہے۔
امجد اسلام امجد نے شاعر، ڈرامہ نگار اور نقاد کی حیثیت سے شہرت حاصل کی، ان کے مشہور ڈراموں میں وارث ،دن اور فشار شامل ہیں۔
امجد اسلام قومی ایوارڈ ’’پرائڈ آف پرفارمنس‘‘ اور ’’ستارۂ امتیاز‘‘ کے علاوہ پانچ مرتبہ ٹیلی وژن کے بہترین رائٹر، 16 مرتبہ گریجویٹ ایوارڈ اور دیگر متعدد ایوارڈ حاصل کرچکے ہیں۔