افریقی ملک سینیگال کے اسٹار فٹبالر ساڈیو مانے نے اپنی دوست عائشہ تمبا سے شادی کرلی۔
میڈیا رپورٹس کے مطابق سینیگال کے کپتان اور سعودی کلب النصر کے کھلاڑی ساڈیو مانے نے ڈاکار میں منعقدہ ایک نجی تقریب میں اپنی دوست عائشہ تمبا کے ساتھ شادی کے بندھن میں بندھ گئے۔
اسٹار فٹبالر نے افریقہ کپ آف نیشنز کے آغاز سے محض 6 قبل شادی کی، فرائض سرانجام دینے سے قبل ساڈیو مانے نے آبائی شہر، بمبالی میں تعمیر کردہ ایک اسٹیڈیم بھی افتتاح کیا تھا۔
رپورٹس میں انکشاف کیا گیا ہے کہ 31 سالہ النصر اسٹرائیکر نے اپنی دوست عائشہ تمبا کو اس وقت دیکھا جب وہ 16 سال کی تھیں۔
نجی تقریب میں مانے کے اہلخانہ، دوستوں اور کچھ قریبی ساتھی فٹبالرز نے شرکت کی تھی۔
سال 2022 میں ایک تقریب کے دوران ساڈیو مانے کا کہنا تھا کہ میں نے بہت سی لڑکیوں کو دیکھا ہے جو مجھ سے پوچھتی ہیں کہ میں نے شادی کیوں نہیں کی، لیکن افسوس کہ آپ اپنا وقت ضائع کر رہے ہیں۔ جس عورت سے میں شادی کروں گا وہ سوشل نیٹ ورک پر نہیں ہوگی۔
