ایران کی جانب سے ملکی سطح پر تیار تحقیقی سیٹلائٹ کامیابی سے خلا میں بھیج دیا گیا جس کے سگنلز بھی موصول ہونا شروع ہوگئے۔
ایرانی سرکاری خبر ایجنسی کے مطابق سیٹلائٹ کو ایران کی پاسداران انقلاب کور نے تیار کیا ہے۔
ایرانی ساختہ راکٹ کے ذریعے 60 کلو گرام وزنی چمران ون سیٹیلاٹ خلا میں روانہ کیا گیا۔
میڈیا رپورٹ کے مطابق ایران کا سیٹیلائٹ خلا میں بھیجنے کا مقصد بلندی پر ہارڈویئر اور سافٹ ویئر سسٹم کی ٹیسٹنگ کرنا ہے۔
علاوہ ازیں دوسرا مقصد خلائی نظام اور نیویگیشن کی کارکردگی کا معائنہ بھی شامل ہے۔
ایران کا کہنا ہے وہ مزید تیرہ سیٹلائٹ بھی جلد خلا میں بھیجے گا۔
خیال رہے ایران نے رواں برس بھی جنوری میں اپنے 3 سیٹیلائٹ خلا میں روانہ کیے تھے۔
