پاکپتن ٹریفک حادثات میں موٹر سائیکل سوار میاں بیوی بیٹے سمیت 4 افراد ہلاک

پاکپتن ( نمائندہ خبریں) پاکپتن میں دو ٹریفک حادثات، چار افراد جاں بحق پاکپتن میں پیش آنے
والے دو مختلف ٹریفک حادثات میں چار افراد جاں بحق ہو گئے جاں بحق ہونے والوں میں ایک نوجوان سائیکل سوار، میاں بیوی اور ان کا بیٹا شامل ہیںریسکیو ذرائع کے مطابق عارف والا میں قبولہ روڈ پر جامعہ اسلامیہ کے قریب ٹریکٹر ٹرالی نے سائیکل سوار کو کچل دیا، جس کے نتیجے میں 18 سالہ نوجوان جاں بحق ہو گیا متوفی کی شناخت حبیب الرحمن ولد محمد اسماعیل کے نام سے ہوئی ہے، جو جامعہ اسلامیہ کا رہائشی تھادوسری جانب پاکپتن کے نواحی گاؤں امیرا آہلوکا کے قریب ڈمپر نے موٹر سائیکل کو ٹکر مار دی، جس کے نتیجے میں موٹر سائیکل پر سوار تین افراد جاں بحق ہو گئے پولیس کے مطابق جاں بحق ہونے والوں میں میاں بیوی اور ان کا بیٹا شامل ہیں، جن کا تعلق منچن آباد سے تھادونوں حادثات کے نتیجے میں چار قیمتی جانیں ضائع ہو گئیں